呂慧儀出海慶祝生日 「情人」攬到實

無綫藝人呂慧儀忙於拍攝處境劇《愛．回家之開心速遞》及照顧囝囝「蟹籽」，剛踏入40歲的她受訪時說：「今年嘅生日喺工作中度過，收工返到屋企，都有同屋企人食飯、食蛋糕慶祝。『蟹籽』砌咗個佢最鍾意嘅機械人送畀我，我都好開心。」

趁星期日休息，她約埋一班小朋友出海玩：「我啲朋友好窩心，一早出發都準備咗蛋糕同氣球為我慶祝，好驚喜！見啲小朋友玩得開心，我都好開心，最緊要大家身體健康。」見她與囝囝坐在大水泡上玩得非常盡興，切蛋糕前，囝囝又肉緊攬實她，兩母子溫馨滿瀉。