呂爵安Edan被教練誤爆有份拍攝ViuTV游水新劇 鄒凱光揶揄已變MIRROR台

Edan@MIRROR & 鄒凱光

ViuTV劇集《大叔的愛》雖然已播畢,但熱話仍不斷,被日版導演之一齊藤由貴盛讚製作認真之外,亦獲美國媒體《Variety》娛樂版刊登,成功衝出國際,主角呂爵安Edan與盧瀚霆Anson Lo更憑此劇人氣急升。ViuTV決定乘勢追擊,將開拍以泳隊為背景嘅新劇《i.SWIM》,喺網上招募15-25歲男女泳手演員,更有傳主角鐵定為Edan,最近又有潛水教練大爆Edan正為新劇操水。

Edan曾喺本月中大晒早前為《大叔的愛》狂操嘅身材照,指係自己24年嚟最fit嘅一次,亦表示嚟緊工作必須操到好fit,希望變到大隻安,貌似已為新劇作準備;而喺ViuTV仲未對外公佈演員人選之際,日前「Mermaid Dive美人魚潛水」Facebook專頁就貼出教練與Edan嘅合照,寫道:「Edan準備新劇中,希望田田係新劇i swim可以有更好的表演比大家睇到,田田加油!!Edan加油!!」,誤爆Edan有份參與新劇《i.SWIM》。一班鏡粉就留言指責唔啱行規,認為喺官方未正式公佈前,專頁應該先刪除帖文:「你同Edan出相就得,講太多會有麻煩」、「咁快爆出嚟,PR好快會搵你㗎啦」等等;最後,專頁將其帖文刪去。

新劇《i.SWIM》消息一出,一班鏡粉當然好開心,但有網民就認為Edan已拍攝《膠戰2》、參與《夏日有團伙》系列,曝光率已較其他成員高,應該畀其他成員嘗試擔正。而Facebook群組「我老婆嫁左比Mirror導致婚姻破裂關注組」就有網民留言指,擔心好快就會畀老婆逼佢操水,又笑指會唔會要學當年TVB《戀愛自由式》入面嘅「破冰轉身」。不過,演員兼編劇鄒凱光對MIRROR再次擔正似乎有意見,揶揄ViuTV已變MIRROR Channel,建議佢哋報埋新聞天氣,仲話ViuTV係「全放棄式自殺」。

ViuTV即將開拍《i.SWIM》
ViuTV即將開拍《i.SWIM》
Edan@MIRROR
Edan@MIRROR
Edan@MIRROR
Edan@MIRROR
Edan @ MIRROR
Edan @ MIRROR

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載!