雅虎香港新聞 告別難食飛機餐？ 4大航空公司飛機餐大改革
有搭過長途機嘅朋友仔，相信點樣都有一種莫名嘅默契，就係知道係呢十幾個鐘入面食到嘅飛機餐唔應該對佢有咩期望，填飽個肚就算。不過呢個對飛機餐嘅評價好有可能會被改變，事關有4大航空公司都宣佈咗會提高經濟艙飛機餐嘅食物質素，想知道佢哋到底有咩新搞作，一齊來睇下升級版飛機餐啦。
1.土耳其航空
雖然土耳其航空對香港人來講會比較陌生，不過佢嘅升級版飛機餐絕對誠意可嘉。加入嘅飛機餐食物包括傳統嘅Kebab、烤肉串同米飯布甸， 如果係短途機仲會有橄欖油同香料製造嘅麵包，而且航空公司仲話會關注新鮮度同食物嘅來源地，相信一定唔會令乘客失望。
from Turkish Airline
2.法國航空
法國航空一向出名重視食物質素， 今次嘅升級大作戰更加邀請咗著名嘅大廚Jean Imbert合作，至於有啲咩菜式？包括有機鵪鶉，水煮雞蛋同龍蒿，仲有燉菜同鮮果甜品，聽到都流晒口水。
from Air France
3.新加坡航空
新加坡航空嘅排名一直都十分之唔錯，今次嘅飛機餐改革等乘客可以係六款選擇中揀啱自己心水嘅食物。當中包括羊脾伴巴斯粉飯、炸魚麵條同黃油雞飯等等，充滿東南亞風情，啱晒去渡假嘅你。
from Singapore Airline
4.達美航空
達美航空同健康食品品牌Luvo合作，製作重視營養同品味嘅飛機餐。飛機餐選材強調季節性同基因改造，包括佛蒙特切達芝士，熏制Gouda同Beemster芥末種子仲有天然橄欖油同鹽捲餅乾。唔單至咁，就連需要非麩質同糖尿病患者嘅食譜都一應俱全，一共有17種不同嘅特殊餐供應，貼心度無得彈。
from Delta Airline
相關文章
去旅行最怕旅伴唔識影相 噴血事件簿：影極都Out-Fo、零構圖
同人唔同命 去旅行都要講體質 有無試過：自己比蚊狂針 但旅伴完全無事
【立即讚好】全新 Yahoo 旅遊 Facebook 專頁
Yahoo 旅遊以全新樣貌登場，Facebook 專頁當然同時煥然一新！立即讚好，每日睇盡旅遊新資訊！
