周嘉洛勸交殃及池魚 江嘉敏撻到攤攤腰

NG了超過20次,難得江嘉敏依然笑得出,似乎唔覺痛。
NG了超過20次,難得江嘉敏依然笑得出,似乎唔覺痛。

周嘉洛、江嘉敏、鄭子誠與戴耀明等,日前拍攝無綫回歸劇《神奇的燈泡》,劇情講述嘉洛做和事老勸交,最終被打埋一份,齊齊骨牌式跌出馬路,江嘉敏更差點被經過的車輛撞倒!

鄭子誠與戴耀明當日在街頭大打出手,路過的周嘉洛與江嘉敏勸交不果,被捲入混戰,結果齊齊跌出馬路。為求逼真,眾人多次試位,雖然地面鋪上墊褥,但前後拍了超過20個Take,撻到「攤攤腰」!問是否撻到驚,江嘉敏說:「我幾乎每套戲做得最多嘅動作,就係畀人打同畀人撻,我已經係一個動作演員。(點解?)佢哋話我個樣唔夠英,似欠打嗰啲,叫我都係Keep住畀人打,哈哈!」

練功夫「報仇」

不過,她在另一劇集《新四十二章》有不少動作場面,事前特地集訓半年,終於得償所願可以打人:「有練劍、棍同打功夫,練咗咁耐唔好嘥,所以強烈要求畀我試吓打,佢哋話『好啦!畀人打之前,畀你耍兩下啦!』」

至於周嘉洛早前拍攝劇集《回歸》已有動作場面,今次再拍打戲,問是否轉做動作演員?他笑說:「未嘗不可,不過未諗過,哈哈!自己知自己咩料,冇底子,係好動啲啫!(搵你拍打戲呢?)打,乜戲都接!(有冇試過做和事老被打?)勸交就有,有時阿媽、阿妹嘈交咪勸吓,不過通常都收唔到科。」又自爆曾差點撞車:「細個亂過馬路,以為自己好快,點知差啲畀電單車撞。(畀阿媽打到飛天?)冇話畀佢聽,你係第一個知,哈哈!」

眾人在軟墊上拍攝「撻生魚」戲。
眾人在軟墊上拍攝「撻生魚」戲。
周嘉洛、江嘉敏
周嘉洛、江嘉敏
電了爆炸頭的周嘉洛做和事老,混亂中硬食「拳頭窩面」。
電了爆炸頭的周嘉洛做和事老,混亂中硬食「拳頭窩面」。



我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能