周奕瑋恨帶「旅神」翠如遊日

黃翠如與周奕瑋講旅行經,雞啄唔斷。
黃翠如與周奕瑋講旅行經,雞啄唔斷。

藝人黃翠如及周奕瑋(Jarvis)近日獲日本護膚品牌邀合作開Live,2人同樣熱愛旅遊,分外啱傾!Jarvis透露:「見翠如之前飛去唔同地方拍《遊走世界天與地》,呢類型嘅節目可以帶大家睇世界嘅另一面,真係好有意義,希望遲啲我都有呢啲機會。」提到翠如主動向他伸出「合作之手」,他說:「佢話想同我去日本拍旅遊節目,我當然歡迎啦,哈哈!翠如真係我『旅神』,係旅遊個旅,以前好鍾意煲佢同洪永城啲節目,所以如果將來有機會幫佢做翻譯同盲公竹就好喇!」