周子馨提點追求者:我鍾意身體接觸

東方日報
·2 分鐘文章
周子馨用情甚深,花了超過一年才淡忘舊愛。
周子馨用情甚深,花了超過一年才淡忘舊愛。

影壇新星周子馨(Julia)擁有一雙大眼睛,外貌省鏡,雖然裙下之臣眾多,惟因不善經營愛情,每次均觸礁收場,傷得最深的一次,就是生日當天,在毫無預兆下被拍拖7年的男友狠飛。她期待未來的男友能出力寵她,給她多些身體接觸。

曾任平面模特兒的Julia,2年前處女下海拍攝電影《家有囍事2020》,拍攝期間與同片的前港姐陳庭欣朝夕相對,再加上同樣熱愛水上活動,不時孖住出海,互吐心聲,很快便成為閨蜜。早前有幸再結片緣,於《忽然心動》內兩女爭一男,還有大打出手戲份。

分手原因成謎

Julia拍攝《家》片時,正值感情受重創,陳庭欣充當治療師不時陪伴開解,令其不至於孤身面對。由18歲開始拍拖的她,每段感情也至少經營數年,講到最傷一次,便是被拍拖7年的男友狠飛,至今仍不知分手原因:「嗰日係我生日,我喺外國返港前幾個鐘,大家仲互通短訊,點知返到屋企,見佢搬走晒啲嘢,話需要時間冷靜。雖然冇講出面有女仔,但女仔第六感好準,不過係冇一個答案,到依家都係一個謎。」

在她心目中,這位「負心漢」不煙不酒,給她很大安全感,2人甚至經常為將來打算,故對被飛仍難以置信:「以為發緊夢,初頭以為佢有絕症添!突然冇咗個好信任嘅親人,結果用咗年幾先釋懷,依家唔再痛,只係可惜啫。」

不再照顧男友

有過一次慘痛經歷,令向來強勢的她終於清醒,開始學做小女人:「由細到大我都好獨立,所以拍拖都會照顧男朋友,覺得咁樣係代表對佢嘅愛。原來愛情世界入面唔可以咁,反而要畀多啲時間陪伴,安全感同信心都要畀到足,所以希望將來嘅男友出力寵幸我,我鍾意身體接觸,最好多啲甜蜜舉動啦!」

Profile

出生日期:8月4日

體重:48kg

身高:1米65

在海旁回眸一笑,散發嬌柔魅力。
在海旁回眸一笑,散發嬌柔魅力。