周杰倫港騷延期關老婆佗B事?主辦方:未有官方證實

·3 分鐘文章
周杰倫港騷延期關老婆佗B事?主辦方:未有官方證實
周杰倫港騷延期關老婆佗B事?主辦方:未有官方證實

台灣天王周杰倫(周董)為紀念入行20年而舉行的巡迴演唱會香港站二度宣布延期!演唱會主辦單位、寶輝娛樂董事總經理謝嘉豪(Simon)今日透過網上記招宣布再度改期,個唱地點最終定於中環海濱活動空間進行,並6場演唱會日期將延至8月。

Simon指演唱會之所以定於8月舉行,是希望稍後有疫苗供應後可令疫情放緩,又謂延期消息一出已收到好多Fans留言表示支持,即使當中有20% Fans選擇退票,但佔整體比例不高。他又特別感謝周董無限量支持,每次改期都好快配合,幾乎隔1日就答覆:「佢好期待同香港嘅Fans見面,2年以嚟呢個承諾不變,其實私下同佢傾係唔止改2次期,起碼超過4次,好多謝佢冇放棄過香港呢1站。」又預告香港站的每場門票設計不一、獨一無二,富有紀念價值。

演唱會一波三折,Simon自爆已損失400多萬,又一早花費幾百萬買廣告宣傳,預計如8月成功舉行演唱會,將要再投放400多萬落籌備上,例如保險、風險評估、交通評估等:「仲要蝕,但可以復騷意義更大。」他透露特別於防疫措施方面落重本,希望Fans睇得安全又放心:「入場會探熱,會派發紀念口罩、消毒液、甚至諗緊造唔造面罩。而門票上自設咗2個QR Code,1個係需要Fans喺72小時內填寫健康申報表,知道大家坐咩位置好重要,另1個就係啲消費優惠,傾緊商場、食肆,廁所方面亦都會長期做清潔。另外要上台演出、工作人員全部都會做檢測。」蝕做之下會減周董歌酬?或周董有否主動減歌酬?他笑說:「同佢哋合作咗咁多年都好體恤、照顧我哋,周董經理人個口頭蟬係叫我哋唔好蝕本。」

謝嘉豪表示諗緊造唔造面罩供觀眾防疫使用。
謝嘉豪表示諗緊造唔造面罩供觀眾防疫使用。
網上瘋傳周董老婆昆凌佗第3胎,主辦方笑指未有官方證實。
網上瘋傳周董老婆昆凌佗第3胎,主辦方笑指未有官方證實。

至於座位安排方面,Simon指由迪士尼戶外場地移師到中環海濱經已扣減3分之1的座位,現時換飛都是以全院安排,問到會否隔開座位保持社交距離?他表示要再等政府通知,相信中環海濱活動空間有夠位置去安排,又向Fan打定強心針指不用太擔心,會盡力換回原有的位置。

並自爆已損失400多萬,但復騷意義更大,一樣照開騷。
並自爆已損失400多萬,但復騷意義更大,一樣照開騷。

另外,現時瘋傳周董老婆昆凌佗第3胎,笑問「陪產」是否其中因素令周董決定延期個唱?Simon笑話傳聞未有官方證實,決定8月舉行時還未有傳聞傳出:「得閒會短訊問吓佢本人,有消息第1時間通知各位。」

日前流出昆凌疑似佗第3胎嘅相。
日前流出昆凌疑似佗第3胎嘅相。