周杰倫脹爆現身首映會 仲有邊位男神崩壞咗?

台灣首部賽車電影《叱吒風雲》噚日舉行首映會,監製周杰倫、導演陳奕先及一班主要演員,包括曹佑寧、昆凌、、范逸臣、柯有倫及高英軒都有出席為電影造勢,當中最矚目嘅一定夫妻周杰倫同昆凌,因為今次係佢哋結婚以嚟首度同台。今次大家最留意嘅唔係佢哋嘅互動,而係周杰倫嘅身形,唔少人都話佢崩壞咗。除咗周杰倫之外,而家就同大家睇下仲有邊位那些年嘅男神外型敗走啦!

周杰倫
台灣天王周杰倫喺2000年推出個人第一張同名專輯《jay》 ,多年嚟佢創作出唔少膾炙人口嘅歌曲,例如《星晴》、《龍捲風》、《開不了口》、《回到過去》及《夜曲》等等,唱到街知巷聞,獲得大量中港台歌迷支持。結婚前嘅周杰倫對自己要求相當嚴格,所以身形keep得唔錯,有時都會騷吓腹肌,不過婚後佢可能懶咗,而家嘅8舊肌肉已經唔見咗。噚日佢出席首映會後,唔少網民都話佢走晒樣,紛紛留言話:「佢係咪戴假髮」、「周杰倫而家肥X到成隻豬咁」、「成日打波都肥」及「無論係身形定係面形 已經屈咗機 而家嗰隻只係一隻豬」等等。

周杰倫
周杰倫

余文樂
2000年入行嘅余文樂憑港台青春劇《青春@Y2K》獲得觀眾關注,之後更成為廣告商及電影嘅寵兒。除咗外貌討好之外,佢亦操得一身肌肉,風魔萬千少女。喺2017年,佢同台灣「皮帶大王」千金王棠云結婚生子,婚後佢愛上留白鬚及著鬆身衫。早前佢上載同囝囝外出嘅相片,唔少網民話發咗福嘅余文樂同谷德昭撞咗樣,由型男變咗做大叔。

余文樂
余文樂

陳冠希
陳冠希當年憑住靚仔樣成為樂壇及影壇寵兒,憑《無間道》、《頭文字D》及《千機變》等聲名大噪,迷倒男男女女。佢因淫照事件而宣布無限期退出香港娛樂圈,主力放係潮流品牌同囡囡上。而家佢與太太同囡囡定居美國,早前開直播同粉絲互動,不過佢個樣又老又殘,完全唔似當年嘅小鮮肉,嚇親唔少網民。

陳冠希
陳冠希

吳彥祖
吳彥祖出道後喺影壇迅速走紅,更拍下唔少經典電影,例如《新紮師妹》、《新警察故事》、《新宿事件》、《竊聽風雲》及《單身男女》等等。佢高大靚仔、有學識又好演技,令佢喺男神界屹立不倒多年,穩坐男神寶座。佢與Lisa.S結婚後將工作重心搬返美國,當年嘅美少男已經步入中年,佢更開始出現中年危機,除咗髮線後移之外,更出現雙下巴。

吳彥祖
吳彥祖

按此下載全新應用程式Yahoo APP,並以Yahoo電郵免費登記成為會員,即時可完成簡單任務賺取Ypoints,憑分即可換領不同獎賞! 新人更可即時換領限量新人禮,立即下載!