周柏豪飽受評論 喊咗好多次!

東方日報
·1 分鐘文章
周柏豪表示工作不受影響,會繼續拍劇。
周柏豪表示工作不受影響,會繼續拍劇。

藝人周柏豪昨日現身時裝品牌活動,對於有傳因政治風波,令他在劇集《使徒行者3》的戲份全被刪,他否認:「我係客串,拍咗兩組戲,冇得再刪,得十幾秒。(如果刪咗會失望?)唔會,第四輯又唔知發生乜事。(搵你拍第四輯?)我冇講過。」他稱明年會為無綫拍攝幾套劇集,而內地工作亦不受影響:「我喺內地已經上咗兩部劇同兩部電影,所以由頭到尾都冇問題,一直有內地商演同品牌聯絡我。」他指未有回內地工作跟政治無關,只是疫情問題。

問到以後會否少談政治?柏豪無奈地說:「我從來冇發表過政治,呢個年代表唔表態,坐又畀人話,企又畀人話,我唔識得適應,所以就唔玩Social Media,我係有少少驚,當時好難過,家人、同事好擔心我嘅情緒,睇到啲Fans支持我嘅說話,我都喊咗好多次,但依家我已經唔再受評論影響情緒。(依家仲驚唔驚?)唔係驚,而係會諗得好清楚先放上網。」