周秀娜傷患多 自備「求救」list 張敬軒變身Super J 貪新忘舊有運行

·2 分鐘文章
張敬軒獲贈言要多着鮮色衫,精神都好啲。
張敬軒獲贈言要多着鮮色衫,精神都好啲。

英皇歌手張敬軒獲七仙羽改了個新花名「Super J」,又贈他攞獎秘笈,眼見今年樂壇新人輩出、競爭激烈,軒仔也不敢偷懶,四出拉票,希望有所回報。

張敬軒、周秀娜、倪晨曦、ANSONBEAN及劉俊謙等昨日出席活動,最近與玄學家七仙羽拍攝節目的軒仔自爆對方為他起名「Super J」,他笑說:「嗰日喺柴灣,佢就叫我『柴灣Super J』,簡稱『柴J』,佢啲嘢冇得解,唔知佢知唔知個J字係咩意思呢?(講中咗?)承佢貴言啦!」

樂壇頒獎禮將至,軒仔笑言有問對方攞得獎秘笈:「佢叫我保持平常心,叫我着多啲鮮色衫同用新嘢,令個人開朗紓緩壓力。」他又指今年是競爭大的一年,成個市場都好活躍,變得有動力,並說:「尤其我呢啲有一定年資嘅人,會刺激你要諗啲新嘢,唔好咁懶,都要撻番着副偈。」提到打入叱咤「我最喜愛的男歌手」8強,他指遊戲好玩:「有網友留言話其他入圍歌手嘅出道年資,加埋就等如我年資,一個頒獎禮有唔同年齡同年資嘅人喺度先健康。」近日不停拉票的他坦言,誰人得獎都會替對方高興,認為每一位付出的歌手都應該有回報。

連開兩劇有排打

周秀娜近年拍戲不時受傷,被封「容易受傷的女人」,前晚她在社交網透露膝蓋痛到行不到,急去睇醫生,她解釋因練習而觸傷舊患:「12月要拍兩套電視劇,其中一套有好多動作戲,咪搵武指練好動作先,點知整親左腳。」最搞笑是之前拍文戲亦出事,自嘲有多年受傷經驗,已儲下大批醫生名單,有事時可即時求救,她說:「要食多啲嘢長番啲肌肉去保護韌帶,大家可以多啲約我食飯呀!」

周秀娜表示要食多啲以便操出肌肉。
周秀娜表示要食多啲以便操出肌肉。
張敬軒獲大批粉絲舉牌撐場,相當熱鬧。
張敬軒獲大批粉絲舉牌撐場,相當熱鬧。



我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能