【哈佛調查】想致富要注意！9個令人容易變窮小習慣

生活

2021年4月14日上午2:03·3 分鐘文章

【哈佛調查】雖然最近有新聞稱香港每12個人就有一個千萬富翁，不過我地絕大多數人都仲為成為千萬富翁。就好似張家輝話，你今日冇，將來會有。今次就等小編幫大家整合一份哈佛研究，搵出9個令人變窮嘅原因，等大家避開！

撰文：Andy｜圖片：《那一天我們會飛》、《絕代商驕》、《賭神》截圖｜編輯：海月

哈佛研究調查：發達九戒條

好多人做嘢都好容易15/16，好難下定決心做一個決定。搖擺不定會加大我地做決定嘅時間成本，浪費時間同金錢。因此，往往果斷進行決定嘅人會比起猶豫不決嘅人更容易成功。

「拖延症」就係人都有，問題係嚴重與否。「拖延症」往往只能逃避問題，並不能真的讓我地舒服地生活。更嚴重嘅係，拖延症會伴隨嘅係注意力不集中和懶惰，呢兩個先係阻我地發達嘅重要原因。

搵到方向或者興趣好容易，但係堅持落來唔容易。三分鐘熱度會令我地洗濕個頭就走。但往往復復咁洗濕個頭，會浪費我哋好多「水」。

俾人reject係大家都怕，因為又冇面，又失落。自尊心重嘅人會格外怕被拒絕，呢類人就會覺得保持面子最重要，就算有機會可以靠請求他人嘅直到而發達，亦有因為有機會被人拒絕而止步。

好多人都會長期處於自己嘅comfort zone 入面。畢竟擴展自己嘅邊界會好容易碰壁同被傷害。此外，更多人會覺得自己冇辦法達到某個高度而拒絕嘗試。呢種「心理高度」嘅限制，可以避免挫敗感，但亦唔會發達。

個個都FF，唔同個個都鍾意FF咩～係！每個人都鍾意FF，發白日夢。畢竟進入自己嘅幻想世界，自己可以掌控自己世界嘅一切。相比起現實嘅鐘鐘不如意，靠幻想去逃避現實，更能讓自己開心。但不願意面對現實嘅後果就只會係原地踏步，無法達到財富自由。

哈佛研究直指，收入低下人士嘅共同特徵係「冇強烈嘅事業心」和「不承擔責任」。大家可以睇睇自己係唔係咁樣，將好多不如意和失敗都推託去其他人身上。的確，怪責他人好容易，但從自己身上搵缺點卻好困難。

恐懼係人嘅天性，所有人都會避免風險，畢竟冇人會希望面對損失。不過大家又要想深一層，冇風險，又點來財富呢？如果冇風險嘅生意，仲唔成條街都係？咁點發達啊～

不願意投放精力和金錢係學習新事物上，往往伴隨嘅係因為你嘅無知都措施好多唾手可得嘅賺錢機會。好多人係宜家都唔熟悉如何投資和交易虛擬貨幣和NTF藝術品，唔係話要大家去跟風。而係希望大家可以有足夠嘅知識和資訊，能夠隨時參與最新嘅投資活動。畢竟，第一個會用輪子嘅商人，係最有希望將生意做得更大嘅人。