《哈利波特》續集有望開拍 原班人馬將以中年人身份回歸魔法世界?

《哈利波特:神秘的魔法石》劇照
哈利波特:神秘的魔法石》劇照

由「哈利波特」丹尼爾烈格夫(Daniel Radcliffe)、「妙麗」愛瑪屈臣(Emma Watson)、「榮恩」路拔格連(Rupert Grint)及「馬份」湯姆費頓(Tom Felton)等人主演嘅《哈利波特》(Harry Potter)系列電影瘋魔全球,相信唔少小朋友都曾經幻想過自己成為霍格華茲嘅學生,絕對係80同90後嘅童年回憶。雖然完結篇《哈利波特:死神的聖物2》於2011年上映,不過至今依然深得影迷喜愛。近日有消息指電影商正在商討開拍新電影,Daniel Radcliffe等原班人馬將會回歸,延續呢股魔法熱潮。

英國著名作家JK羅琳(J.K. Rowling)喺2000年推出最後一本《哈利波特》小說時,佢已經揚言冇打算再寫哈利波特嘅書籍。唔少人都諗住《哈利波特》唔會有續集,但近日知情人士竟透露有新消息,仲話《哈利波特》主要演員已經同電影商傾咗一段時間,不過因為新冠疫情嘅關係,令計劃進度變得緩慢,不過知情人士亦話最近佢哋嘅談判進度加快咗,相信好快官方就有消息公佈。

雖然現時仲未知新電影會講啲咩,不過有外國媒體指新電影有機會以舞台劇《Harry Potter and the Cursed Child》作為故事基礎,而呢個故事主要講述踏入中年嘅哈利波特喺英國魔法社會嘅經歷,及囝囝Albus Severus Potter入讀霍格華茲魔法學校,可惜細仔遺傳唔到爸爸嘅魔法天賦,被分配到去史萊哲林,更與馬份囝囝Scorpius成為好朋友。另一邊廂,佛地魔囡囡長大成人,並計劃幫爸爸復活報仇。如果係真嘅話,佢哋將會以中年人身份回歸魔法世界,真係令一班哈利波特迷非常期待。

早前一班演員們喺網上進行視像會議,期間預告下年將有大事件發生,而2021年正正就係《哈利波特》系列電影上映20周年,唔知佢哋係唔係講緊原班人馬拍攝新電影呢?大家拭目以待喇!

《哈利波特:阿茲卡班的逃犯》劇照
《哈利波特:阿茲卡班的逃犯》劇照
《哈利波特:死神的聖物2》劇照
《哈利波特:死神的聖物2》劇照
《哈利波特:死神的聖物2》劇照
《哈利波特:死神的聖物2》劇照

按此下載全新應用程式Yahoo APP,並以Yahoo電郵免費登記成為會員,即時可完成簡單任務賺取Ypoints,憑分即可換領不同獎賞! 新人更可即時換領限量新人禮,立即下載!