哈囉喂演出疑政治消毒 講「香港」都唔得

19+

 

十月尾,本來係去玩鬼屋嘅日子。

玩起「哈囉喂」概念嘅海洋公園,每年除咗設計唔同鬼屋嚇鬼遊客之外,

亦都有大型歌舞表演俾唔多嚇得嘅遊客觀賞。

 

不過今年嘅show《地獄巨星賀台慶》,早前有傳其中一場臨時取消,

係因為內容涉及「抽水」政治笑話,被上頭要求主持修改,

但係擔任主持兼導演嘅舞台工作者黃湛深唔肯,唯有臨場換人。

而「海記」回應傳媒查詢,內容係咪別有所指,就話

以娛樂遊人為目標,並不涉及對任何社會事件之取態」。

 

今日就有疑似有份參與演出的成員,大爆演出背後的來龍去脈。

劈頭第一句就話「眾所皆知,Scaremonies(歌舞表演)一向都係諷刺時弊嘅Show」。

而演出由八月開始排練,期間高層已經多次審查過內容,覺得OK先出街。

但係因為試演內容外洩,高層要求創作人員修改,並要將對白紀錄在案供高層參考。

之後有人在網路發文指演出煽動仇恨,事件被傳媒報導,

公園要馬上換人,劇本亦變得「乾淨」。

 

爆料者指,高層好幾次同演員閉門會面,甚至有演員辭演,但高層仍然冷處理,

並表示需要一個歌舞昇平、樂觀正面的表演,期望內容不涉及「抽水」元素。

演員則希望演出保留部分的神緒,

例如不刪去「Are you ready, HongKong?」及「香港人加油」等對白。

可是高層回應「HongKong/香港」二字並不政治中立兼帶有政治意味,拒絕再作任何更改。

最後爆料者呼籲參與整個「哈囉喂」嘅表演工作者,能夠捍衛自己嘅地位同尊嚴。

 

唔知可以點收科呢?如果真係一如內文所講,

「『香港』二字並不政治中立兼帶有政治意味」的話,

「香港海洋公園」呢個名駛唔駛搞搞佢?

原post傳送門

你可能還想看