唐言無忌：童年回憶值幾錢？

週末 Facebook Timeline 有不少荔園的相片，不少朋友都去趁熱鬧，年輕人純粹為了貪玩影相呃 Like；年長一點的朋友則希望重拾那些年的童年回憶。不過開幕只是短短幾日，已經有網民大叫搵笨，勸大家唔好去。

網絡瘋傳一段文字話恐龍是滑梯要 40 蚊玩一次。用 5 蚊「擲階磚」貴過買一排香口膠。走去睇大象先發現係假，玩一次鬼屋要 80 蚊，但範圍細過網民間屋。到底係我太認真，還是寫該段文字的網民太認真？以前荔園有真正動物園，有唔太驚的鬼屋，有開開心心食合一家大細的攤位遊戲，小朋友都玩得的機動游戲，是不少人的童年回憶。可惜，最後不敵海洋公園和政府發展而結業。

荔園由開業初期入場費 5 毫，到結業前 10 蚊；現在毋須入場費就可以入內感受一下氣氛，其實算是不錯的假日活動。至於是否俾錢玩遊戲或者在場地內飲食，其實是個人選擇。睇完網民的留言，我在想究竟童年回憶值幾多錢呢？本土文化又是否值得大家保護呢？當香港「名牌」海洋公園入場後已經幾乎清一色遊客，迪士尼樂園賣的是全球化卡通人物甚至是喜羊羊。難得香港有一個只舉辦 3 個月的短期荔園，有必要踩到一文不值嗎？本土文化和核心價值都好容易失去，有時候是被人剝奪，更值得擔心的是自己放棄。當失去了才懂得珍惜，可能已經太遲了。

圖片來源：高登起底組 Facebook

• 不想錯過新科技 ? 請 Follow unwire.hk FB 專頁 http://facebook.com/unwirehk/

The post 唐言無忌：童年回憶值幾錢？ appeared first on UNWIRE.HK 流動科技生活.