唐詩詠叨女神光 撞樣當Bonus

·2 分鐘文章
唐詩詠靚咗,被指與女神撞樣。
唐詩詠靚咗,被指與女神撞樣。

視后唐詩詠最近被指與2大女神張曦雯及朱千雪撞樣,昨日出席活動時,她力撐不相似,但笑指女神外觀獨特,能夠有丁點似樣已非常開心!

唐詩詠、馬德鐘、王君馨、鮑起靜及關禮傑等,昨日宣傳無綫劇集《我家無難事》,適逢古佩玲生日,大會送上蛋糕,令她開心不已。

忙於拍攝新劇《隱形戰隊》的詩詠透露,今次不乏打戲,雖然非主力與馬國明對打,但足以令她累透:「佢太高,打佢有啲驚,今次打得又密又快,最怕同女仔打,因為大力會傷到對方。記得拍《唐人街》時同伍允龍打,佢問我可唔可以細力啲!」對於被指與女神張曦雯及朱千雪撞樣,她笑說:「總之冇講係男人或動物,已經好開心!(似唔似?)唔似,女神好獨特,不過能夠似少少,已經覺得係好好嘅事。」

談到好姊妹黃翠如疑受情緒困擾,以致新劇易角,詩詠說:「人生會經歷好多唔同嘢,畀啲時間佢。(洪永城話佢狀態麻麻。)佢非常好,有好多自己嘢做,適當時候會見大家。」

馬德鐘忍淚開工

至於第4集已逝世的影后鮑起靜,對於有觀眾不捨並揚言罷睇,她說:「我仲有得出現,仲要密到集集都有,唔使擔心。」飾演慈母的她,笑指現實中不及角色:「我個女好細個就去咗英國,依家掛住啲孫多過個女,上次探佢哋留咗3個月,不過疫情關係,都有年幾冇見,惟有靠視像見佢哋啦!」馬德鐘自爆拍攝鮑起靜離世一幕時強忍淚水:「忍得好辛苦,因為鮑姐好有感染力。」

而關禮傑談及女兒關楓馨在港姐決賽的表現,坦言入12強已滿意,又指女兒將簽約無綫,問會否期待父女檔合作,他說:「都想,平時聽得多父子合作,父女比較少,都想試試,演情侶都可以。」

王君馨玩遊戲時一臉驚青。
王君馨玩遊戲時一臉驚青。
馬德鐘
馬德鐘



我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能