唐詩詠揭月入得$3,000哭訴家人接濟

東方日報
東方日報 OrientalDaily
唐詩詠在節目上自揭當年入行辛酸,一度忍不住落淚。
唐詩詠在節目上自揭當年入行辛酸,一度忍不住落淚。


藝人唐詩詠去年憑無綫劇《不懂撒嬌的女人》人氣急升,成為視后大熱,然而風光背後,她曾經歷月薪只得3,000港元的艱苦日子!她指當年每日逼巴士返工,還要靠屋企人幫助,昨日在電台憶述辛酸史,談及恩人陳志雲時更忍不住淚灑當場!


唐詩詠昨日到電台接受直播訪問,本來輕鬆分享拍《不》劇的趣事,但當主持人阮兆祥問到如果贏得視后最想多謝的人,她竟然不禁哽咽起來,訴說2004年初入無綫時只得3,000港元月薪的辛酸!詩詠指當年遇上時任無綫高層的陳志雲(Stephen),對方主動問她人工有多少:「我講咗之後佢淨係講:『係呀?夠唔夠生活?』我話辛苦啲囉,之後佢話加咗我人工,我諗住係幾千,點知原來終於有萬幾蚊。」她直言很開心及感激對方,說時激動更感觸落淚:「嗰刻真係好感動!當時我啱啱入TVB,幾年都唔敢同公司講唔夠錢生活。喺演員路上,好好彩有啲人幫助我度過比較唔好嘅時刻。」


「絕世好女友」變壓力


詩詠自言當時年紀尚小,未懂得好好道謝:「擺咗喺心入面,一直希望有個機會可以多謝Stephen,可能要攞獎先可以多謝佢。」又形容對方對她的幫助很大,因原本每天只能乘坐巴士:「我住廣播道,巴士去到九龍城,如果好夜收工,15蚊的士都返到屋企。生活當然未必過到,好彩有屋企人幫助。不過出咗嚟做嘢,當然希望可以照顧番屋企人。」


雖然事業漸入佳境,但感情卻屢遭重創,先後與崔建邦、洪永城拍拖的詩詠不諱言「絕世好女友」的稱號,使另一半有很大壓力:「好似佢做咩都唔好咁!如果再拍拖,要小心處理男友嘅心理,或者自己都要做多少少,唔好令佢咁諗。」並希望日後拍拖時低調一點,覺得娛樂圈有太多事會影響感情:「有時自己知道啲新聞唔係真,但原來隔籬嗰個都會有唔舒服!如果畀我揀,想過咗最穩定嘅階段先公開,等對方了解到真正嘅我係點樣。」


靠朋友介紹男仔


提到2月將與馬國明拍攝以醫生為題材的新劇,詩詠稱暫時未能公布兩人有否愛情線,問到會否擔心再次傳出緋聞而阻礙搵新男友?她笑言傳得耐便不會成阻礙:「我唔心急嘅!(依家放假有冇識男仔?)冇呀!靠朋友出手,不過通常都係齋噏,黃翠如成日都噏,話要介紹醫生同專業人士畀我,我等緊。(結果冇?)唔知道但冇所謂,我都淨係想見佢啫。」又認為愛情要來便會來。


文:音樂組


<!--AD--><div class="footerAds clear">第一手消息請下載on.cc東網<a href="http://itunes.apple.com/hk/app/id349812998?mt=8" target="_top">iPhone/</a><a href="http://itunes.apple.com/hk/app/id387862928?mt=8" target="_top">iPad/</a><a href="http://market.android.com/details?id=com.news.on" target="_top">Android/</a></div><!--/AD-->

唐詩詠初入行拍攝《四葉草》,當年月薪只得三千蚊。
唐詩詠初入行拍攝《四葉草》,當年月薪只得三千蚊。
唐詩詠近年劇接劇,相信人工已幾何級數上升!
唐詩詠近年劇接劇,相信人工已幾何級數上升!
唐詩詠與崔建邦及洪永城分手收場,自言「絕世好女友」稱號反成負擔。
唐詩詠與崔建邦及洪永城分手收場,自言「絕世好女友」稱號反成負擔。
洪永城(左)
洪永城(左)

是日精選

囡囡潮戴baby假髮-成童年陰影-奶爸張繼聰-等我頂上

不要求女兒搵有錢男友-李國麟-最緊要錫佢同人品好

吳香倫甜讚陳榮峻細心-最快下年中教堂行禮

做嘉賓乘機大唱情歌-余文樂借千女華舞台-老婆放閃

井莉設靈馬海倫哭成淚人

霆鋒炮製新年飯局-eason祖兒雙雙對對飽口福

百萬富翁-慈善版-嘉賓頻-失金-志雲肉緊-嫌籌善款太奀

bra-top誘森美-戰李佳芯-龔嘉欣男女通殺博上位

床戰互剝腿交纏ali奪龔嘉欣-第-次

姚子羚-抓-朋友借衫黎諾懿最低工資得-1-500

寶珮如冇得生怕七年之癢

米雪為50億-賣女-香香焗嫁陳智燊

原子鏸摩洛哥被求婚驚喜say-yes-

唐詩詠揭月入得-3-000哭訴家人接濟



其他內容