唐詩詠被偶像挑逗 錫出感覺

東方日報
·2 分鐘文章
面對住偶像馬德鐘,唐詩詠即流露小粉絲的含羞答答。
面對住偶像馬德鐘,唐詩詠即流露小粉絲的含羞答答。

唐詩詠一直視馬德鐘為偶像,最初以為拍親熱戲時會緊張得心跳加速,可是當被馬德鐘錫錫後,感覺竟然似曾相識,變成「老夫老妻」。

「視帝」馬德鐘、「視后」唐詩詠、王君馨、傅嘉莉等昨日在將軍澳電視城出席無綫劇集《我家無難事》拜神儀式。唐詩詠視馬德鐘為偶像,終於如願首次合作飾演夫妻,更有親熱戲,她笑說:「床戲嘅前奏就拍咗,第一日開工佢已經要錫我,初時以為會心跳加速,但竟然冇,好似我哋已經錫過咁,佢成套戲都要挑逗我。」

處理劇本方向一致

「小粉絲」唐詩詠起初以為與偶像對戲會很緊張,幸好馬德鐘令現場環境變得輕鬆。馬德鐘指與唐詩詠雖然第一次合作,卻相當合拍,因大家處理劇本的方向一致;唐詩詠則認為兩人除了可拍愛情戲,還可拍攝其他題材。

王君馨早前拍攝劇集《超能使者》導致韌帶斷裂,至今仍要撐住拐杖開工,她說:「足踝前韌帶斷咗,側邊同後邊嘅韌帶就撕裂,唔使做手術,但係就有6個月至9個月唔可以着高踭鞋。」王君馨又多謝老公照顧,她說:「佢真係廿四孝,屋企煮飯、洗衫全部佢做晒,不過遲啲要返紐約探親,聖誕先返嚟。」

王君馨親熱戲押後

王君馨指因為受傷令不少場口押後拍攝,她笑說:「有場同楊明碌嚟碌去嘅親熱戲要遲啲拍,不過,之前都拍咗場咀戲,親熱戲都淨係用上身啫,就冇乜影響,哈哈。」

撐着拐杖現身的王君馨,暫時要與高踭鞋絕緣。
撐着拐杖現身的王君馨,暫時要與高踭鞋絕緣。
台前幕後出席拜神儀式,期望拍攝順利收視理想。
台前幕後出席拜神儀式,期望拍攝順利收視理想。