唐詩詠體力透支 血壓狂跌急救!

東方日報
·2 分鐘文章
唐詩詠開工又熱又攰,睇嚟真係要補吓身!
唐詩詠開工又熱又攰,睇嚟真係要補吓身!

藝人唐詩詠日前與陳展鵬拍劇時一臉倦容,她透露體力透支,早前睇中醫發現血壓低,要即時針灸及飲解毒茶,坦言要好好補身增強免疫力抗疫。

陳展鵬與唐詩詠日前於長沙灣為無綫新劇《超能使者》開工,拍攝一場展鵬利用詩詠的超能力為街坊醫病賺錢。鑑於新冠肺炎疫情持續肆虐,演員開工時也分外小心,已為人父的展鵬不用埋位時必定戴上口罩,更不時噴消毒酒精,還不吝嗇與拍檔詩詠「分甘同味」。

一臉倦容的詩詠表示連日來天氣酷熱令體力透支,日前難得有一日假期,即睇中醫調理身體,沒料被診斷出血壓低:「平時血壓90幾好正常,點知嗰日得74,嚇到個醫師問我嚟嗰時有冇暈,佢即刻幫我針灸,又開啲解毒茶畀我日日飲,因為我覺得成日似就嚟中暑咁。(又瘦咗?)係比之前瘦,雖然都有食嘢,但體能消耗太勁,呢排Keep住瞓3、4個鐘,好難瞓得冧,都知今次隻病毒(新冠肺炎)係好講免疫力,所以都真係要補補佢先得。」

陳展鵬陪囡囡玩煮飯仔

談到展鵬在劇中假扮醫師,他笑指近日也有在家扮食客與女兒互動:「個女開始玩煮飯仔,我要扮食,佢攞咩畀我都要放入口,扮嘢放唔得,佢會發現。(呢排開工冇乜時間陪女?)都係,之前半夜幫佢砌櫈,呢排天氣熱,驚佢畀太陽曬親,即使凌晨3、5點收工,都幫佢個房黐反光玻璃紙,想佢瞓得舒服啲,係瞓得少,不過都OK嘅!」

陳展鵬不時噴消毒酒精,仲幫唐詩詠噴埋!
陳展鵬不時噴消毒酒精,仲幫唐詩詠噴埋!
劇情講述陳展鵬假扮醫師發功醫人,十分搞笑。
劇情講述陳展鵬假扮醫師發功醫人,十分搞笑。