唔使客氣喇阿松

【星島日報報道】前財政司司長、現任南豐集團行政總裁梁錦松，意念多多，動作亦多多，離開政府後，至今已六十有五，變成「兩蚊族」，但從未停過，可算是「模範長者」。最近搞作，乃聯同其他投資者，斥資十一億元（人民幣，下同），發展內地高端復康醫療。 日前，帶埋成班香港傳媒，殺上四川成都，揚言內地醫療產業正在起步，生意藍海非常大，潛質無限。佢 所組的創業投資集團名「新風天域」，單睇字面，已覺雄心勃勃，氣派不凡。 阿松經營概念簡單，因睇透內地中產富豪急增，不少願意付天價尋找優質醫療服務，故此，準備針對性輸入，並為內地管理人員提供最先進的國際管理理念及實踐經驗。「新風天域」第一擊在成都出招，開設復康醫院，擁有二百一十八張病 ，兩年內全面營運，只要六成病 有「上 率」，就已可收支平衡，之後開始有利潤喇。 中國經濟急速發展，當然個個領域生金蛋，個個領域搶人才。香港方面，近水樓台，要搶，當然搶香港先。例如演藝界的藝人及導演，已紛紛北上掘金，這個，香港人唔介意，多 ，密 手，反正香港影視業呆滯不前，上面有工作，當然歡迎，最好賺盡，帶回港消費。 不過，醫療服務界，則大大不同！內地推行醫療改革，相關消費市場不停擴大，每年總體開支閒閒 七、八萬億元，再以每年十幾巴仙增長，相當驚人。「新風天域」不斷投資，由一 城市殺落二、三 ，需要的醫護人才，以百萬計！ 梁錦松的如意算盤，乃由香港輸出各方面的服務，尤其培訓方面。喂喂喂，阿松哥，你咪「搶 」呀，你唔係唔知，香港醫護人才短缺成點，尤其公家醫療，一方面病人急增，另一方面畀某 「自私醫生團體」頂死，唔准引入國際專才。咁情況，若再「失血」畀內地，點掂？我反對！ 阿碌開咪 曾智華 專欄