唔使移花接木 工程師開發人工智能裸照程式惹非議

19+

 

好多年前,一旦出現名人艷照事件,

部份當事人會話係移花接木。

 

以前唔係手機=相機嘅年代,邊有咁多私房照俾人盜取?

要將惜肉如金嘅藝人變成尤物,的確有人會用「移花接木」呢招。

 

未有執相軟件,可能真係要用筆、膠水完成任務,

就算有Photoshop,件事都唔見得易咗。

 

有人就開發一個極邪惡應用程式,只要有相見到樣,

系統可以chok一張嗰位女性裸照出嚟!

 

開發者化名Alberto,佢運用開源演算法的基礎,

加埋人工智能技術,創造出名為DeepNude嘅程式。

Alberto用咗1萬張女性裸照,訓練系統嘅人工智能去學習,

點樣將有頭像嘅相片,夾埋一個適當嘅身軀。

如果要key頭嘅原相片係露出唔少肉嘅,系統會處理得更好更像真。

 

Deep Nude已經可以下載,免費版會喺你整嘅相片蓋上「假裸照」水印,

俾50蚊美金成為付費用戶,相片上嘅水印會縮細返。

 

而家呢個程式專門將女性「剝衫」,Alberto話想研究埋男性版喎!

 

以後,女士們post見樣嘅相上社交媒體之後,

可能要面對有日見到自己冇影過嘅裸照流傳。

學者都紛紛表示震驚,擔心女性會成為受害者。

 

你諗吓呢期咁多政治爭拗,如果有人用DeepNude惡搞女政客嘅裸照,

真係好不堪設想!

原文傳送門

你可能還想看