唔想次次拍戲都做鬼 J.Arie:其實我都好想試下舞台劇!

歌手J.Arie(雷深如)昨晚(11日)出席音樂會,即使氣管敏感也堅持抱病上陣落力演唱,除帶來多首自己的歌曲外,亦配合音樂會主題,帶來數首英文懷舊金曲。 她表示自己自少受到八十年代歌曲的熏陶,從唱腔到咬字、創作風格等都深深被這些歌曲影響。兩年前她曾以演唱會嘉賓身份,分別與兩位樂壇老前輩盧冠廷、許冠傑同台演出,J.Arie表示希望能在作曲或填詞方面再次與兩位大師合作:「如果可以有機會有一個作品係有佢哋嘅名喺度,我會覺得好榮幸。」

最近J.Arie有份參與ViuTV電視劇《身後事務所》,在劇中飾演一位被鬼上身的女子:「我之前其實做嘅不論劇集或者電影,基本上都無乜做過人。次次都係做殭屍啦、喪屍啦、做鬼啦,今次終於做返個人但最後都係要畀鬼上身嘅。」被問到有否參考其他作品去揣摩角色,J.Arie坦言自己不想被綁死在一套舊有的演繹模式而局限了自己的發揮,反而希望在「鬼上身」的一刻能展現最瘋癲的自己。敬業的她竟然還在頸上抓了十多條爪痕,為求令演出更加逼真。

近年累積了不少戲劇經驗,會否考慮挑戰參演舞台劇?「我打從兩年前已經有呼籲吓:『其實我都好想試下舞台劇!』我覺得舞台劇更加難,要即時地演戲,又要唱歌,再加埋現場觀眾嘅反應,我覺得係最難,仲難過電影電視劇。所以希望有一日能夠出演第一套舞台劇。」

點擊瀏覽《香港01》更多內容和圖集

你可能感興趣:
陳瀅睇完蘋果發布會想買最新iPhone 到底佢會揀Xs、Xs Max定XR?
【再創世紀】搶戲過主角! 李旻芳忍喊一分鐘獲網民激讚

其他內容