唔擺桃花陣 龔嘉欣預告派雙封!

東方日報
·1 分鐘文章
龔嘉欣2020年事業當旺,期望新一年繼續行大運!
龔嘉欣2020年事業當旺,期望新一年繼續行大運!

出爐馬國視后龔嘉欣昨日為無綫節目《你又估我唔到》擔任嘉賓,直言想在「掘金」環節中獎,目標是贏得7萬日圓(約5,180港元)幫補派利是的支出:「今年會派雙封,因為之前攞咗獎,但利是封都係『龔』字,冇特別喜事。(攞完獎工作量大增?)多咗網上廣告,希望今年可以承接2020年嘅好運,如果更加好就開心啦!」她透露大年初一要開工,之後會約好姊妹陳凱琳拜年,並再次澄清對方沒有懷第3胎:「其實當日條片有講嘅,如果係有應該輪到我先,不過我連對象都未有。(喺屋企圍住桃花轉囉!)之前同姚子羚住嗰陣已經擺,都唔得嘅,擺咗6、7年!呢2、3年冇擺,驚招惹到爛桃花返嚟。」

至於主持張秀文以《死亡筆記》女主角「彌海砂」造型現身,問到有何評價?她笑說:「起碼同真身嘅體形冇乜大變化先,本身都係呢個故事嘅粉絲。(細個玩埋Cosplay?)冇,因為冇錢,但扮過香港小姐,用窗簾布包住自己。」