唔敢返英考試 森美憂影響兒子升學

東方日報
·1 分鐘文章
森美指兒子稍後要返英考試,要與學校商討再作決定。
森美指兒子稍後要返英考試,要與學校商討再作決定。

不少藝人及名人安排子女到英國升學,其中DJ森美的長子梁曦樂早年到當地入讀寄宿學校協和學院,當地疫情嚴峻下,問到囝囝的情況,他說:「佢放聖誕節假,所以一早返咗嚟啦!不過佢明年要考Mock Exam,希望當地疫情會喺一個月內會緩和。本來諗住1月頭返去,依家要同阿仔商量問吓學校,如果唔返去考試會唔會對升學好大影響,我梗係唔想佢返去先啦!」至於徐榮亦透露在當地留學的長子徐朗已返港,原定下月便返英國,現時計劃或有變:「都擔心當地情況,如果持續惡化,阿仔就唔返去住,改視像上堂囉!」

而名人馬清揚的細女在英國讀中學,兩周前已回港放聖誕假,並已完成檢疫隔離,令他頻呼好彩:「明年3、4月就考A Level,都唔知可唔可以考試!(喺香港考?)會同學校商量,網上考試唔知得唔得。」又透露大仔及二仔則身在美國。