唔止「美女」如雲 泰國徵兵抽籤 現場氣氛超熱烈

19+

 

泰國靚女多,但係連徵兵會都咁多靚女……

你懂的。

 

4月係泰國徵兵月,早幾日有輯相喺網上瘋傳,話係攝於泰國一個徵兵現場。

根據當地法例,凡年滿21歲、身分證上性別係「男性」嘅國民,

都要去到徵兵單位報到,以及參加抽籤。

所以有「靚女」出現,一啲都唔出奇。

當局亦有就變性者作出安排,完成變性手術嘅男性可以用有效醫療文件換取免役;

經醫師檢驗後證明有性別認知障礙嘅都唔駛服兵役。

 

除咗「美女如雲」之外,徵兵現場嘅抽籤都相當有趣。

根據facebook專頁「泰國清邁象」介紹,

兵役為期2年,但係相當艱辛,人工又唔高。

最大鑊係,泰國仲有部份邊境地方偶有衝突或暴力事件發生,

呢批「新兵」有時都要上戰場,話唔埋要為國捐軀!難怪咁多人都唔想「中獎」。

抽籤嘅時候,如果見到黑色籤,即係甩難;

紅色呢?軍隊歡迎你。

 

所以你會見到軍人會傍住抽籤者,因為有人見到中咗紅籤,

情緒激動起嚟真係會暈低!

又或者咁好彩甩身,啲後生仔開心到呢……連出家人都唔例外。

現場又有唔少觀眾食花生大呼小叫,氣氛好鬼歡樂。

 

見盡人性最真一面,難怪每年呢類徵兵現場片段,

都成為泰國年度開心share之選!

直情同泰國啲廣告一樣咁好睇呀!

原post傳送門

唔夠皮?可以睇埋舊年抽籤片段

你可能還想看