唔知部戲有斷背情節 陳浩民慶幸子女瞓咗半場

【星島日報報道】陳浩民一家六口、陳琪與三名子女及高皓正等人出席電影舞蹈工作坊表演暨《美女與野獸》電影欣賞會，對於影片被指有斷背情節，有學校發信家長工罷睇，陳浩民坦言沒有收信，但已睇過該片，自稱可能鑑賞力低睇不到暗示情節，如果知道不會給子女睇。他說：「唔緊要，佢哋瞓咗半場，對佢哋嚟講是好舒服環境，但好開心第一次唔使拖出去，可能被野獸嚇暈了。（抗拒同志情節？）多一事不如少一事，免得麻煩。」 對於張衛健重返無線拍劇，陳浩民亦謂自己一向也說會返去，但檔期夾不到，不過隨時等無線召喚。他又說今次以家長身份出席今次活動，並沒有酬勞。他說：「人哋畀機會個女上台表演，仲收人錢咩？多謝都嚟唔切。」 一向反對同性戀的高皓正表示，未睇過該片不能先過濾給子女睇，不過可籍著教小朋友知道不可歧視，因為有不同的人有不同的選擇要尊重別人。他說：「兩性關係要由細去教導，要清楚自己身體同性別，中國社會的父母好少講，但我主張細個去教佢哋，要保護自己重要部位。」對於支持同性戀抑或反對？他坦言每個人有自己選擇要尊重，不同國家有不同法例。談到曾經反對同性戀的他，問到今次出席活動是否支持？他說：「無諗過，我鍾意迪士尼電影。（會否認為情節不恰當？）我信通電檢處，冇權力去選擇。」 至於今次活動通告原本寫有出賓嘉賓之一的楊思琦，事前受訪認為情節不恰當，並自言未有獲邀，事後大會補發通告就刪除了其名字。大會市場部經理陳小姐解釋指，楊思琦女兒於舞蹈工作坊學習跳舞，以往楊思琦也會以家長身份出席，但可能今次溝通上發生錯誤，所以補發通告刪掉對方名字，亦否認借用對方宣傳。（攝影：鄺芷瑩）

睇更多