啋!柬埔寨遊客入境先收喪禮押金

Yahoo 旅遊

新冠肺炎下旅遊業大受打擊,不過隨住好多地方疫情受控,唔少國家都已經放寬旅客入境,不過柬埔寨唔知係太保險,定還是太唔相信旅客會喺國內度過安全嘅遊覽日子,竟然規定入境嘅所有遊客必須先交付3千美金(約24,000港元)嘅押金,作為「喪葬押金」,真係大吉利事!

呢畢錢係用於萬一遊客一旦不幸中咗新冠肺炎的話,可以用作醫藥費,包括每日約180美金住院費,另外1,500美金就係喪葬費用,除咗3千美金之外,另外仲硬性規定必定要購買保額達5萬美金嘅旅遊保,確保保險公司可以支付所有費用。目前所有入境遊客都要接受檢疫,結果出爐之前遊客必須入住隔離中心,一旦同機有人呈陽性,全機遊客必須強制隔離14日。推出「喪葬押金」咁大膽,唔知大家仲敢唔敢去呢?

柬埔寨最著名景點當然係吳哥窟,人生必到。
柬埔寨最著名景點當然係吳哥窟,人生必到。
所有遊客必須先交付3千美金押金,作為「喪葬押金」。
所有遊客必須先交付3千美金押金,作為「喪葬押金」。
入境旅客都要接受檢疫。
入境旅客都要接受檢疫。


相關文章:

無邊際泳池坐擁山海-百萬絕景度假必訪

意大利十二世紀水底古城-明年重見天日

環保x型格打卡-全球-7-間可持續酒店推介


【立即讚好】全新 Yahoo 旅遊 Facebook 專頁

Yahoo 旅遊以全新樣貌登場,Facebook 專頁當然同時煥然一新!立即讚好,每日睇盡旅遊新資訊!

你可能還想看