啤牌對戰 強弱懸殊 吳若希老公威番次 自殘振夫綱

吳若希與Alex有獨特的相處方式,嬉笑怒罵之中一樣咁恩愛。
吳若希與Alex有獨特的相處方式,嬉笑怒罵之中一樣咁恩愛。

吳若希與老公Alex於J2台節目《鋪鋪Poker》中對戰,曾被老婆取笑在家中地位最卑微的Alex,今次終於一振夫綱,恍似懂讀心般看穿吳若希的底牌,連吳若希都忍不住甜笑大讚:「好勁呀,我 老公真係!」

平時嘻嘻哈哈的吳若希,來到Poker枱上仍改不了大笑姑婆本色,更多番以「聲殺」來轉移老公Alex、主持方力申及郭偉亮(Eric)的視線,可惜每次都被老公一眼睇穿,更慘成三子圍攻及狂踩的對象。Eric問Alex老婆在家中是否一樣的笑聲不絕?Alex停頓數秒苦思後竟爆出一句:「佢喺屋企咆哮多啲。」

雖然在不少場合被老婆「食住」,但今次Alex為了振夫綱,於Poker枱上多次激動地表示不介意自殘,來力證對愛妻睇通睇透,當中包括兩度大叫:「你(指吳若希)有蛇我切!」更厲害的是他連吳若希手持甚麼牌也瞭如指掌:「佢笑到咁,我同你講,佢一定中咗隻三!如果佢係三條,佢唔講嘢㗎喇。」被老公連環「踢爆」的吳若希全程只能「以笑遮醜」。

自認享受被虐

除了玩牌盡顯兩人搞笑潛能,他們還分享了獨特的「夫妻的世界」,當Alex被問到遭老婆勁窒有沒有底線時,他搞笑回應:「尊嚴一早喺拍拖時已經冇咗,因為我有少少(享受)被虐嘅感覺,咁啱我老婆係鍾意虐待人嘅。」吳若希聞言即反擊指老公「自己攞嚟」,兩公婆一個願打一個願捱,果然是天作之合!