噴泉沖涼谷起公司2億市值 東方昇鏡頭後原來口窒窒

·3 分鐘文章
【東方昇】噴泉沖涼谷起公司2億市值 國家級癲佬鏡頭後原來口窒窒
【東方昇】噴泉沖涼谷起公司2億市值 國家級癲佬鏡頭後原來口窒窒
噴泉沖涼谷起公司2億市值 國家級癲佬東方昇鏡頭後原來口窒窒
噴泉沖涼谷起公司2億市值 國家級癲佬東方昇鏡頭後原來口窒窒

網媒100毛嘅「偽員」東方昇上星期六去到觀塘音樂噴泉做網上直播,搽晒沐浴露喺鏡頭前出浴,事後康文署不點名批評東方昇不當使用設施,研究向相關人士採取法律行動,又表示噴泉因為被沐浴露整壞要封閉。事後東方昇對傳媒嘅查詢冇回應,喺facebook專頁都只係po張玩貓相。而100毛嘅所屬上市公司毛記葵涌股價連日爆升,由上星期嘅6毫子彈到上最高$1.78,市值因此推高超過2億,鏡頭前行徑癲喪嘅東方昇呢鋪真係成名作!

【東方昇】噴泉沖涼谷起公司2億市值 國家級癲佬鏡頭後原來口窒窒
【東方昇】噴泉沖涼谷起公司2億市值 國家級癲佬鏡頭後原來口窒窒

唔少喜劇演員喺鏡頭後性格反差極大,東方昇都一樣,認真思考人性之餘,原來平時講嘢都會口窒窒。

35歲嘅東方昇原名王嘉偉,佢喺訪問提過,中學時期唔鍾意讀書,結果會考只得9分,反而令佢醒覺要諗下將來。後來入到公開大學讀心理學,又因為對創作有興趣而參加商台同馬會合作嘅「天比高創作伙伴」,放學就入天水圍天比高總壇度橋,因而認識天比高創作部主理人、亦即係日後毛記「腦細」嘅林日曦。畢業後王嘉偉入咗商台廣告創作部,有日收到林日曦邀請加盟,就過檔毛記負責創作同演出《六點半左右新聞報導》,東方昇呢個化身先至正式出現。

噴泉沖涼谷起公司2億市值 國家級癲佬東方昇鏡頭後原來口窒窒
噴泉沖涼谷起公司2億市值 國家級癲佬東方昇鏡頭後原來口窒窒

東方昇話喺天比高遇著俞琤同埋林日曦兩位要求好高嘅創作人,好辛苦但係好學到嘢。而主修心理學令東方昇學識揣摩人性,從而搵出最好嘅表達方式。東方昇嘅誇張同黐線嘅演出,就係佢由觀察鑽研出嚟,因為而家人人用手機睇片,好容易分神,誇張先可以吸睛。

東方昇有幾癲?去北韓,試過偷影軍人、擅離酒店仲玩facebook直播。拍節目報導電話騙案,東方昇扮學生妹約網友見面;戴住胸圍露一邊胸,用食字gag「一帶一露」明寸施政報告係咁提及「一帶一路」。2018年,東方昇開咗首個個人talk show《特異功能救香港》,腦細林日曦寫長文幫手宣傳,踢爆東方昇平時講嘢居然係口窒窒,但係又盛讚佢有異於常人嘅毅力。

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載!