【回顧2020.娛樂】今年香港娛圈十大事件 朱智賢黎振燁幽會斷正/楊明涉不小心駕駛/細So背妻偷食...

·6 分鐘文章

不平凡嘅2020年即將步入尾聲,今年香港娛樂圈發生咗唔少大事,包括朱智賢與黎振燁車廂幽會斷正、楊明涉不小心駕駛、于文鳳追討周星馳分紅案及DJ細So被炒兼背妻偷食人妻等等,仲有邊啲娛樂大事?而家就同大家回顧一下今年香港十大娛樂新聞啦!

朱智賢黎振燁車廂幽會斷正
上年「安心偷食」事件轟動全城,今年4月就有「2.0」出現,就係無綫上位小花朱智賢與港男人夫黎振燁於車廂幽會,有指佢哋喺拍攝劇集《食腦喪B》時撻着,之後分別瞞住緋聞男友謝東閔及臨盆在即嘅老婆,喺車廂幽會兼食心形蛋糕。事件曝光後,二人形象即時跳樓式插水,有指無綫「棄黎保朱」,所以安排謝東閔陪朱智賢開記招公開道歉,而黎振燁就冇。二人現時雙雙被無綫掟入雪櫃暫停所有工作,不過早前就傳出已經做咗爸爸嘅黎振燁將於短期內遭無綫解約。

朱智賢黎振燁車廂幽會斷正
朱智賢黎振燁車廂幽會斷正

楊明涉不小心駕駛
喺8月8日凌晨,楊明於山頂馬己仙峽道失事撞壆。有現場傳媒就影到佢當時企都企唔穩,被懷疑酒駕。事後,楊明被控不小心駕駛、門窗玻璃透光度不足及拒絕提供血液樣本以作化驗三罪,案件排期於明年3月2日開審。

楊明涉不小心駕駛
楊明涉不小心駕駛

落選港姐廖慧儀舊愛墮樓亡 孔德賢被指撬牆腳
有「狂野空姐」之稱嘅落選港姐廖慧儀舊愛Sam於本月初墮樓身亡,終年27歲。有指Sam喺10月被廖慧儀狠飛,而廖慧儀就被指暗撻孔德賢,所以Sam係生理抑或係精神上都飽受痛苦,疑為情所困而墮樓輕生。Sam妹妹公開哥哥嘅千字遺書,而內容大多數都係對廖慧儀嘅指控,仲話佢大話無數。之後,廖慧儀問Sam妹妹公開遺書係唔係Sam嘅意願,遭網民鬧爆佢冷血。而被指撬牆腳嘅孔德賢喺上星期嘅《萬千星輝頒獎典禮 2020》記者會終於現身,不過佢就話同女方只係同事及朋友關係。

落選港姐廖慧儀舊愛墮樓亡 孔德賢被指撬牆腳
落選港姐廖慧儀舊愛墮樓亡 孔德賢被指撬牆腳

于文鳳追討周星馳分紅案
周星馳同于文鳳於2010年分手後,女方入稟控告男方違反2002年聖誕節時嘅口頭協議,拖欠逾7千萬元投資分佣,而案件早前喺高等法院聆訊,法官喺噚日裁定于文鳳敗訴,並要向周星馳支付訟費。

于文鳳追討周星馳分紅案
于文鳳追討周星馳分紅案

DJ細So被炒兼背妻偷食人妻
受新冠肺炎疫情影響,商台喺2月時安排員工放無薪假。去到4月,有傳效力咗20年嘅DJ細So(蘇耀宗)因公司防疫問題與上司起爭執,結果遭商台以「作出資源重組」為由即日解僱。突然失業嘅細So得到大量網民支持,亦多咗其他嘅工作機會,不過佢喺9月時被踢爆背妻陳穎楠(阿Wing)偷食人妻練美施(Macy)2年半,形象即刻插晒水。早前有報導指細So為咗避開閒言閒語,所以決定一家四口移民英國生活。

DJ細So被炒兼背妻偷食人妻
DJ細So被炒兼背妻偷食人妻

阿嬌與賴弘國離婚
鍾欣潼(阿嬌)與台灣「醫界王陽明」賴弘國閃婚一直甜甜蜜蜜,不過於今年5月各自承認結束14個月嘅短暫婚姻,消息震驚兩岸三地。有指阿嬌喺新婚期間已經開始後悔,但因為簽約真人秀,先要繼續扮恩愛,而老公亦嘗試挽回感情,不過最終都係離婚收場。佢哋嘅分居協議書將於明年2月28日屆滿,阿嬌喺早前接受訪問時就話唔會撤回協議,仲話自己唔適合結婚,結過一次就算。

阿嬌與賴弘國離婚
阿嬌與賴弘國離婚

馬國明湯洛雯承認戀情
喺6月,鑽石級筍盤馬國明被踢爆與「靚湯」湯洛雯熱戀,其後二人隨即上載定情公仔照片到社交網站大方認愛,愛得甜蜜又大方即時獲得全城祝福。不時透過社交網站隔空傳情嘅佢哋,早前仲傳出佢哋將明年初結婚添呀!

馬國明湯洛雯承認戀情
馬國明湯洛雯承認戀情

古天樂籌得3,900萬向業界人士派$9000援助金
今年新冠肺炎疫情持續,各行各業都面對唔同程度嘅挑戰,而電影業更幾近停擺,唔少從業員叫苦連天。有見及此,演藝人協會會長古天樂就聯同香港電影工作者總會進行籌款,成功籌得3900萬,並向每位申請援助金嘅業界人士派發最多$9000援助金解燃眉之急。

古天樂籌得3,900萬向業界人士派$9000援助金
古天樂籌得3,900萬向業界人士派$9000援助金

歌手開網上音樂會為港人打氣
唔少歌手喺今年舉行網上免費音樂會,例如4月歌神許冠傑舉行首個網上免費演唱會「2020許冠傑同舟共濟Online Concert」,官方平台就錄得超過644萬人次收睇、5月天王郭富城舉行「郭富城鼓舞‧動起來網上慈善演唱會」為舞蹈員同埋電影幕後籌款、8月梁詠琪舉行「抗疫關愛行動—梁詠琪打打氣音樂會」為不幸染病生計受阻嘅建造業工人籌款、及10月周柏豪舉行「周柏豪你的後援音樂會」為建造業工友籌款等等,實行喺疫情下發放正能量,為全港市民打打氣。

歌手開網上音樂會為港人打氣
歌手開網上音樂會為港人打氣

金像獎頒獎禮改網上直播宣布賽果
一路以來都係以實體頒獎禮進行嘅香港電影金像獎,今年因為新冠肺炎疫情嘅關係,大會決定《第39屆香港電影金像獎頒獎典禮》改喺網上直播宣布賽果。由曾國祥執導嘅《少年的你》12項提名中奪得8項大獎,包括「最佳電影」、「最佳女主角」、「最佳導演」及「最佳編劇」等8個大獎,成為大贏家。另外,因為今年大部份時間香港嘅戲院都未能正常營業,唔少電影亦延期上映,所以金像獎董事局決議順延《第40屆香港電影金像獎頒獎典禮》至2022年舉行。

金像獎頒獎禮改網上直播宣布賽果
金像獎頒獎禮改網上直播宣布賽果

按此下載全新應用程式Yahoo APP,並以Yahoo電郵免費登記成為會員,即時可完成簡單任務賺取Ypoints,憑分即可換領不同獎賞! 新人更可即時換領限量新人禮,立即下載!

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能