因颱風取消演唱會 X JAPAN無觀眾照唱!

19+

 

表演者都相信,遇著咩事都好,the show must go on!

 

對於守信嘅日本人嚟講,佢地咁都做得出。

 

日本搖滾天團X Japan原定9月底喺千葉舉行3場演唱會,

但因為颱風潭美吹襲,尾場show要臨時取消。

雖然大會安排退票,但係對於準備好朝聖嘅歌迷嚟講,

錢事少,冇show睇事大。

於是,X Japan決定喺可以容納3萬人嘅場館,

舉行一場無現場觀眾嘅演唱會,放喺網上直播!!

 

 

雖然無觀眾,但係一d都唔欺場,

歌單同原定嘅一樣,表演一樣咁精彩,

樂迷喺網上盛讚「颱風都唔夠X Japan嚟」!

隊長Yoshiki含淚向觀眾致歉,表示「對不起大家,但安全更重要」。

Yoshiki 前年喺香港亞洲國際博覽館舉行個人音樂會,

但因為主辦單位未獲正式許可文件,場地喺開show前一個鐘宣布演出取消。

Yoshiki親自同樂迷道歉之外,仲決定留港多一日,

喺第二晚以私人party形式開show,更加容許持票樂迷帶朋友入場。

 

咁貼心,點會唔感動先?!

即使唔係現場睇,但我相信對樂迷嚟講,呢場show一定極難忘。

原post傳送門

其他內容