【國際疫情】全球感染人數突破650萬 專家警告秋冬會有新一輪高峰

Yahoo 旅遊


【國際疫情】全球感染人數突破650萬 專家警告秋冬會有新一輪高峰
【國際疫情】全球感染人數突破650萬 專家警告秋冬會有新一輪高峰

新冠肺炎爆發至今近半年時間,最新數字(截止6月4日早上8點為止),全球感染人數突破650萬,為6,567,393人,死亡人數為387,913人。雖然唔少國家因為疫情放緩,漸漸開放封閉措施,不過同時間有專家警告,疫情好易捲土重來,一旦到秋冬相信會有全球第二波高峰!

意大利恢復旅遊

歐洲疫情首個爆發地意大利,曾成為全歐洲最嚴重國家,經歷3個月封國之後,終於在本周三重放開放邊境,歡迎遊客進入。意大利至今共有23萬多宗確診,3萬多人死亡;目前全國只有米蘭、那不勒斯、羅馬恢復國際航班通往全球。不過,歐洲多國似乎未係太接受意大利解封措施,包括瑞士、法國、奧地利等都唔容許意大利人進入,或者要進行強制隔離。而意大利政府就強調國內疫情受控,希望其他國家唔好當意大利人係「麻瘋」病人。

意大利恢復旅遊
意大利恢復旅遊

全美爆示威 數字難確定

美國目前仍為全球最多確診國家,人數達190多萬;不過目前全美爆發反警暴示威,多個州份都出現動爆,導致多個防疫中心要即時關閉,未能處理檢測事宜,難以確定最新疫情情況,更嚴重係無法即時追縱新患者感染源頭,對防疫工作無疑係一大打擊。不過另一邊廂有唔少大城市例如芝加哥等,進入政府宣稱嘅第三階段重啟經濟期,即餐廳、博物館等公眾場所都重新營業,不過仍要保持社交距離,以及限制入場人數。

全美爆示威 數字難確定
全美爆示威 數字難確定

西班牙再有患者死亡

西班牙原本疫情受控下多日無患者死亡個案,正考慮撒銷緊急狀態令,不過6月3日又出現死亡個案,政府都係決定最後一次延續緊急狀態令至6月21日,已經係第6度更新。目前全國累計28萬幾宗感染,共2萬7千多人死亡。

西班牙再有患者死亡
西班牙再有患者死亡

港日韓疫情復燃

除咗香港本地突然出現源頭未明嘅沙田瀝源邨群組外,亞洲嘅日本、韓國同時有死灰復燃情況。其中韓國首爾出現單日36宗社區感染,來自多間小型教會,原定6月復課嘅學校有99%決定繼續停課。至於東京,同樣單日出現34宗感染,為5月中以來最高,其中15人為東京一間醫院嘅醫療人員及病人,政府話目前重啟社會措施仍然為第二階段,未有計劃進一步解封,呼籲國民盡量唔好出門。

港日韓疫情復燃
港日韓疫情復燃

非洲出現伊波拉及麻疹

非洲因為檢測困難,一直未有最確實數字,但專家估計疫情於非洲其實已經擴散,只係難以去想像情況;但禍不單行,非洲剛果近日出現多宗伊波拉,至少5人感染死亡,該國同時受新冠肺炎及麻疹夾擊,世衛警告目前全國數以千萬兒童生命正受到威脅。

非洲出現伊波拉及麻疹
非洲出現伊波拉及麻疹

世衛警告第二波年底襲來

隨著唔少國家疫情放緩,好多都開始重啟經濟,不過世衛突發衛生事件計畫執行主任Mike Ryan就警告,中南美洲、非洲、南亞疫情仍然上升中,而一旦各國放寬邊境,好容易又再次受外來感染;而傳染病往往又係一波波來襲,第一波過後通常會出二至三疫情,據推算好大可能為年底冬天會出現全球第二波高峰,而且仲會撞正新一季流感,變得更複雜更難預防!


【立即讚好】全新 Yahoo 旅遊 Facebook 專頁

Yahoo 旅遊以全新樣貌登場,Facebook 專頁當然同時煥然一新!立即讚好,每日睇盡旅遊新資訊!

你可能還想看