【國際疫情】歐洲放緩商店學校陸續開門 南美成重災區?

Yahoo 旅遊


【國際疫情】歐洲放緩商店學校陸續開門 南美成重災區?
【國際疫情】歐洲放緩商店學校陸續開門 南美成重災區?

香港連續多日無本地確診嘅記錄被中,有一家多口中招,源頭為本地,令人稍為放鬆嘅心情又再緊張起嚟。不過放眼國際,歐美多個國家都因為確診個案減少,而開始放緩措施,容許唔少設施開門。不過疫情並非於全球都消退,有唔少國家反而急增之中。(以下數字截止5月14日早上 9時)

俄羅斯:超英趕美成第二多國家

英國本來為全歐最多人確診國家,但呢一個星期,俄羅斯國內感染爆發,每日有過萬人確診,已經超英趕美,成為第二多人確診國家。目前全國感染人數達242,271,死亡人數2,212 。奈何俄羅斯人防疫意識低,仍然有大量民眾唔載口罩,甚至漠視政府限聚令,繼續於家中呼朋喚友開Party。而俄國政府亦似乎無視危機,急於要求全國工商活動盡快回復正常,重啟經濟;令人十分擔心疫症會繼續肆虐。

俄羅斯近星期每日都出現過萬宗新確診。
俄羅斯近星期每日都出現過萬宗新確診。

智利:一日多60%感染人數

疫情早前開始殺入南美,已經蔓延至智利,單日感染人數大增6成,令人擔心。早前原本解封嘅城鎮,包括首都聖地牙哥都要重新封城,商店、學校及辦公室全部關閉。

智利疫症未受控,包括首都在內都要重新封城。
智利疫症未受控,包括首都在內都要重新封城。

美國:每日近2萬感染亦急於重啟經濟

美國仍然為全球受災最嚴重國家,總感染人數達1,425,018 ;每日仍有近2萬宗新確診。不過美國政府已經宣佈會緩慢咁重啟經濟,事實唔少美國人都希望解除禁令,可以重新投入生產。事實上美國經濟錄得大規模萎縮,包括航空業等多個行業都叫苦連天,就算政府實施過萬億資助亦就快用完,為咗救企業保就業,因為決定慢慢重啟經濟,不過專家警告防疫措施必須做足,慎防又有新一波高峰。

美國唔少商店都重新開業,民眾都去搶購物資。
美國唔少商店都重新開業,民眾都去搶購物資。

歐洲多國:學校重啟 博物館重開

今次疫情中打擊極為嚴重嘅意大利、西班牙、法國等,疫情受到控制,每日感染人數回落至1千人以下。學校、商店等都重新開門,市門可以去博物館、公園等公共設施。英國雖然每日仲有幾千宗感染,不過政府話各公司可安排員工本周重新返回辦公室復工,而學校等就準備6月會重開。

歐洲多國陸續重啟公共措施,包括博物館。
歐洲多國陸續重啟公共措施,包括博物館。

韓國:再次出現本地群組

韓國早前一個月明顯已經減少確診,但近首爾出現夜店感染群組,單日增加廿幾人,似乎仲會繼續有確診數字上升。今次亦好清楚做咗一個例子,就係就算疫症放緩幾多都好,只有一出現本地感染,又會新增一個群組,情況不能忽視,各國都要引以為戒。

首爾夜店出現本地群組,政府大為緊張。
首爾夜店出現本地群組,政府大為緊張。

日本:多縣解除緊狀態令

相反日本情況反而好轉,政府宣佈解除34個縣緊急狀態令,不過唔包括多個大城市包括東京、大阪等。東京已錄得連續10日單日感染人數為100以下,情況明顯受到控制。

東京連續10日錄得低過100以下嘅確診數字。
東京連續10日錄得低過100以下嘅確診數字。

總結:專家警告將成風土病

綜觀全球,新冠肺炎極容易死灰復燃,只要任何有一個隱形帶病毒者,就會出現群組感染。世衛認為就算新冠肺炎真係研究出疫苗,但相信好難令全球大部分人都使用,新冠肺炎幾乎必然會成為風土病,並會好似愛滋病一樣「永遠唔會消失」(Never go away),呼籲大家要有長期作戰嘅準備。


【立即讚好】全新 Yahoo 旅遊 Facebook 專頁

Yahoo 旅遊以全新樣貌登場,Facebook 專頁當然同時煥然一新!立即讚好,每日睇盡旅遊新資訊!

你可能還想看