【國際疫情】疫情放緩 各國旅遊入境禁令何時完結?

Yahoo 旅遊
【國際疫情】疫情放緩 各國旅遊入境禁令何時完結?
【國際疫情】疫情放緩 各國旅遊入境禁令何時完結?

截止5月7日早上10時,全球感染新冠肺炎人數達3,821,917,死亡人數為265,061。疫情於世界各地開始放緩,唔少國家地區一直實施嘅入境禁令,都有唔少開始放寬,但當然大部分仍然維持14日隔離檢疫。不過正當全世界近93%人都正受旅遊限制影響,要各國重開,似乎唔係一時三刻嘅事。一齊睇下各國疫情最新情況,及邊境消息。

迪士尼重開

疫情之下,各國旅遊景點幾乎全部關閉,當中主題樂園當然係其中代表,全球6個迪士尼樂園已經關閉多月,近日中國嘅上海迪士尼就率先宣佈於5月11日正式重開,規定每位訪客及工作人員都要配載口罩,而扮演迪士尼人物嘅職員則要同遊客保持距離,不得接觸。至於其他國家嘅迪士尼目前仍開業無期,根據數字,迪士尼今個季度利潤已經大跌6成,情況嚴峻。

迪士尼樂園之中只有上海於5月11日會重開。
迪士尼樂園之中只有上海於5月11日會重開。

最新戰場:俄羅斯

歐洲疫情開始消退,西班牙、意大利等重災區,開始進行局部放寬措施,商店、學校都重開。不過疫情就突然殺到俄羅斯,目前每日都有過萬宗感染,全國感染人數接近20萬,死亡人數過千。奈何俄羅斯人防疫意識仍然不足,大部分人都無戴口罩,更有好多市民漠視政府居家令,繼續邀請朋友於家中開派對、聚餐,專家恐怕俄羅斯會成為第二個美國,變疫情重災區。

俄羅斯每日有過萬宗感染,情況嚴重。
俄羅斯每日有過萬宗感染,情況嚴重。

意大利仍單日有千宗

意大利雖然疫情有放緩,但仍然每日有過千宗感染,不過政府已經宣佈民眾可以出門,而400萬位建造業及工廠工人率先復工,必須戴口罩,餐廳亦可提供外賣服務。不過近日有消息指出,意大利因肺炎而死亡嘅人口或者比政府公佈嘅多一倍,於2月至3月期間有近11,700人死於不明原因,懷疑係未確診嘅肺炎患者。

意大利唔少工人都開始復工。
意大利唔少工人都開始復工。

英國:死亡人數升到第二高

英國近日疫情雖然同樣有放緩跡象,不過感染人數及死亡人數分別升到20萬及3萬,死亡人數超越意大利升為全球第二高國家。早前有專家就曾言英國或者會成為全歐洲死亡人數最多國家,最終或會有15萬人死亡;目前估計已經中咗一半,情況令人十分擔心;不過英國民間都要求政府公佈解封時間表,及要求知道何時復課,而政府仍爭取於6月1日復課;咁嘅情況之下要復工復課,談何容易呢?

英國死亡人數超越意大利成為第二高國家。
英國死亡人數超越意大利成為第二高國家。

日本:緊急狀態令延長至月尾

日本緊急狀態令原定去到5月7日, 不過政府就決定延長至5月31日;日本目前無正式立例禁止商店開門及居民不外出,只靠人民自律,而政府亦偏向民眾自己慢慢重啟經濟,日本首相安倍晉三就話日本目前未有好似歐美咁出現大規模社區爆發,而且全國感染基數細於「1」,屬於好事,不過每日入院病例仍比出院高,擔心醫療系統會崩潰。

新加坡:疫情恐會延續一年

東南亞之中最嚴重嘅新加坡,每日感染人數雖然有下跌跡象,但政府已經開始局部放寬禁令,民眾可以外出做運動、學校於5月中重開,部分商店都陸續營業。不過專家就話新加坡抗疫之路一半都未到,政府就急於重啟經濟,擔心疫情於其他社區再度爆發;更揚言疫症可能會持續一整年時間,呼籲民眾要有心理準備。

日本目前未有好似歐美咁出現大規模社區爆發。
日本目前未有好似歐美咁出現大規模社區爆發。
新加坡為東南亞疫情最嚴重國家。
新加坡為東南亞疫情最嚴重國家。


【立即讚好】全新 Yahoo 旅遊 Facebook 專頁

Yahoo 旅遊以全新樣貌登場,Facebook 專頁當然同時煥然一新!立即讚好,每日睇盡旅遊新資訊!

你可能還想看