【國際疫情】紐約正式全面解封 印尼突爆新一波疫情

Yahoo 旅遊
紐約正式全面解封 印尼突爆新一波疫情
紐約正式全面解封 印尼突爆新一波疫情

疫情至今接近半年,踏入夏天,疫情似乎真係稍為受控,今星期最大消息應該係全球確診人數都多國家美國,其中最嚴重地區紐約州,正式宣佈全面解封,絕對可以算係國際疫情受控嘅一大指標;不過與此同時,唔少其他落後國家,仍然受疫情影響,甚至出到新一輪爆發。

紐約州解封 其他州份卻未明?

美國紐約洲累計達40多萬宗確診,3萬多人死亡。目前全州陽性率低於1%,州政府宣佈全面解封,市民復工復課,公共交通亦照常運作,不過都會進行徹底消毒,並且規定要戴口罩及保持社交距離。不過隨著多州解封,疫情有死灰復燃情況,有14個州份突然出現新一波確診,華盛頓上星期出現大規模示威後,有多名國民警衛軍確診;而令人擔心嘅係有小鎮居然都出現社區爆發,以當地資源睇,根本無法追縱源頭及控制疫情。

紐約州解封 其他州份卻未明?
紐約州解封 其他州份卻未明?

印尼解封後出新一波疫情

印尼自上星期解封3個月無開嘅清真寺後,出現新一波爆發,並創出單日最新高確診,單日有1,241人感染,累計全國3萬多人感染,共近2千人死亡。印尼為全球第4大多人口國家,一旦疫情失控,恐造成嚴重傷亡,一眾當地衛生專家都話目前首要係追縱源頭以阻止疫情傳播。

印尼解封後出新一波疫情
印尼解封後出新一波疫情

印度不顧反對解封 新德里或有50萬人感染

另一多人口大國印度,正不理專家竟見,逐步解封封鎖措施,但全國各地卻仍然有唔少地方出現嚴重傳播,2千萬人口嘅新德里,醫院8萬張病床都已經被佔用,就連市長都初步確診。累計印度目前有26萬人感染,新德里就有近3萬人,但當地政府估計如果疫情再不受控,7月底單單新德就會增加20倍感染人數,達50萬人中招!

印度不顧反對解封 新德里或有50萬人感染
印度不顧反對解封 新德里或有50萬人感染

伊朗或有1,500萬人感染

自2月中疫情爆發初期,伊朗都係一眾受影響最嚴重國家之一,但隨住疫症蔓延全球,似乎無人留意伊朗。伊朗累計近18萬人感染,8千多人死亡。其實伊朗醫療落後,根本無法做有效檢測,據衛生部最新消息指,全伊朗或有5分1人感染,約1,500萬人,感染率高達19%!不過與此同時,官員亦指出,病毒致死率算係十分低,仲話「並非如世界所指那麼致命」。

伊朗或有1,500萬人感染
伊朗或有1,500萬人感染

歐洲多國全面恢復正常運作

5月底至6月中歐洲多國都陸續解封,包括曾經最嚴重嘅西班牙、意大利等,目前都復工復課,甚至有少數航班恢復運作。據英國倫敦帝國學院所指,全賴歐洲多國自3月開始封國,成功控制疫症,否則推算會再出310萬歐洲人死亡!

歐洲多國全面恢復正常運作
歐洲多國全面恢復正常運作

世衛:全球落後國家正受嚴重威脅

那邊廂歐美,這邊廂港日韓台,似乎見到疫情冷卻?錯錯錯!世衛就指出6月7日全球單日感染人數達136,000多人,為半年來單日新高!目前中南美洲、非洲等落後國家疫症傳播十分嚴重,今全球感染人口突破700萬,死亡人數40多萬。專家指出如果唔成功幫助呢批國家控制疫情,全球一樣無時無刻受到新一波爆發威脅,呼籲各國處理好自己國家防疫後,必須幫助落後國家控制疫情呢!


【立即讚好】全新 Yahoo 旅遊 Facebook 專頁

Yahoo 旅遊以全新樣貌登場,Facebook 專頁當然同時煥然一新!立即讚好,每日睇盡旅遊新資訊!

你可能還想看