地盤工搭的士踩污糟地氈 司機轟:係你嘅行為令人歧視工人

星島日報
的士的後座地氈沾滿泥沙鞋印。fb群組「的士司機資訊網 Taxi」/ 資料圖片
的士的後座地氈沾滿泥沙鞋印。fb群組「的士司機資訊網 Taxi」/ 資料圖片

【星島日報報道】地盤工人出入工地後難免沾有泥沙,有的士司機在網上發帖呻道,接載地盤工人後,被對方踩污糟地氈,斥「係你嘅行為令到人哋歧視工人」,並認為的士司機職責不包括「幫乘客執手尾」。帖文掀起熱議,有網民批評樓主心胸狹窄,「咁你落雨唔好做生意」;另有人慨嘆:「幾時香港變成咁,畀錢嘅就大X晒,收錢嘅就要做奴隸!」

有網民昨在facebook群組「的士司機資訊網 Taxi」上載照片,可見的士的後座地氈沾滿泥沙鞋印,並留言指「唔係因為你係工人所以歧視你, 而係你嘅行為令到人哋歧視工人!」樓主說,自己亦駕駛工程車多年,「 以前工友就算唔沖涼都會換套衫換返對鞋收工,搭巴士好搭地鐵好,都唔會影響到其他人,幾時香港變到咁樣都覺得冇所謂?原因好簡單因為唔係發生喺你身上。」

不少網民在帖文留言,都批評的士司機斤斤計較,小事化大,「人哋又想着住對污糟鞋周街行咩」、「地盤出出入入使唔使換套西裝先呀?」、「咁你落雨唔好做生意」、「搭的士要提起雙腳」、「其實你係咪想人哋幫你抹埋車啊?」另有人借樓主留言反諷,「唔係因為你係的士司機所以歧視你, 而係你嘅行為令到人哋歧視的士司機!」

但有網民表示,「如果我對腳咁污糟,我唔會周圍行囉」、「而家啲價值觀咁特別,整污糟咗人哋地方,唔係應該講唔好意思,而係講咁怕污糟唔好做」,另有人認為,如果地盤工人有講句不好意思,司機亦未必那麼憤怒;有的士司機行家亦留言指「所以我見到地盤佬,我會扮見唔到。」

帖文惹起爭議,樓主亦留言補充,地盤工落車後,過兩個車位便有婦人截車, 「一上車已經鬼晒咁嘈話部車污糟邋遢, 你叫我點樣做? 趕返(對方)落車走去清潔咗先? 定係等過咗黃金時間先去處理? 又抑或等到收工之後先再洗車?」

他慨嘆,「唔知由幾時開始, 消費者就好似皇帝一樣, 收錢嗰個就卑躬屈膝」,並認為的士屬於運輸業,職責是安全快捷以最短路程接載乘客到目的地,「不包括取悅乘客及幫乘客執手尾」, 而車門貼上運輸署定明的收費告示, 亦「都冇寫司機要笑面迎人烚熟狗頭取悅乘客」,深信「你有禮貌時我自然以禮相待, 請司機自重切勿自貶身價, 乘客唔好以為自己洗錢就大X晒」。

睇更多

其他內容