坐遊艇出海避疫 星二代任晴佳甄濟如鬥青春

全球抗疫旅遊業嚴重受挫,冇得出國唯有出海抖氣,甄子丹同老婆汪詩詩近月不時招呼好友上遊艇玩,琦琦同囡囡任晴佳都係常客,早前兩家人又一齊出海,焦點落在兩個16歲青春無敵囡囡身上,抓住夏天的尾巴盡情晒。

撰文:東方新地

大長腿搶fo

❤️❤️❤️ @jasmineyenofficial @ella_yam

A post shared by Valerie (@valerie9222) on Aug 23, 2020 at 4:38am PDT

任達華同甄子丹兩個廿四孝人夫人爸都有前世情人,佢哋嘅囡囡仲同年出世,甄濟如(Jasmine)足16歲,任晴佳(Ella)就12月先生日,日前兩家人與友人一同出海,美少女聚頭並喺IG晒出合照,青春逼人齊騷大長腿,令人睇得賞心悅目。

任晴佳呢日身穿吊帶裙,苗條身材表露無遺。
任晴佳呢日身穿吊帶裙,苗條身材表露無遺。
甄濟如的健美身材都好搶眼,露腰裝與短褲一樣青春逼人。
甄濟如的健美身材都好搶眼,露腰裝與短褲一樣青春逼人。

甄濟如同任晴佳由細玩到大,兩位星二代感情要好,16歲雖然仲未成年,但遺傳咗父母嘅優良血統,兩個都已經亭亭玉立,照片中可以睇到任晴佳著住幼帶連身裙展露高瘦身材;甄濟如就著住短Tee,露出小蠻腰同有肉地身材,兩人白嫩嘅大長腿,都成為焦點所在。

疫情下唔可以出國旅行,甄子丹同老婆汪詩詩就頻頻出海。
疫情下唔可以出國旅行,甄子丹同老婆汪詩詩就頻頻出海。
汪詩詩同琦琦都係一代名模,二人私底下更是好姊妹。
汪詩詩同琦琦都係一代名模,二人私底下更是好姊妹。

兩代好姊妹

據知年底先夠16歲嘅任晴佳身高已經有175公分,佢同甄濟如都係圈中受注目嘅星二代,又曾登上時尚雜誌,而兩人感情咁好全因媽咪琦琦同汪詩詩都係模特兒出身,而爸爸都係紅星,所以兩家人有唔少共同話題,成日都相約一起出遊玩樂。 雖然咁細個就咁有潛質做星,任晴佳近年仲跟媽咪行天橋,但對於兩位青春少艾嘅未來,雙方父母都認為現階段都係以讀書為主,未來發展都係未知之數,而甄子丹也曾表示:「將來女兒有甚麼打算,夫妻倆都會支持她。」女大女世界,有父母照住,睇路點都易行好多。

任晴佳完全遺傳咗任達華同琦琦嘅優良血統,15歲已經好出眾。
任晴佳完全遺傳咗任達華同琦琦嘅優良血統,15歲已經好出眾。
15歲身高已經175cm直逼母親琦琦,任晴佳再過兩年長腿又會再增長。
15歲身高已經175cm直逼母親琦琦,任晴佳再過兩年長腿又會再增長。
甄濟如愈大愈甜美,更有幾分似阿姨汪圓圓。
甄濟如愈大愈甜美,更有幾分似阿姨汪圓圓。
16歲嘅甄濟如已經好識打扮,不過有時會過份成熟。
16歲嘅甄濟如已經好識打扮,不過有時會過份成熟。

延伸閱讀:

周潤發都要密謀轉行!65歲發哥停工一年樂觀面對 慨嘆演藝事業式微

【楊明犯法】試過十八個月無糧出 醉駕楊明:多謝睇唔起我嘅人!