《堅離地愛堅離地》陳智燊離巢後發展更好 與宋熙年夫妻檔月賺60萬

《堅離地愛堅離地》陳智燊離巢後發展更好 與宋熙年夫妻檔月賺60萬

近年越嚟越多無綫藝人拒續約,有人選擇北上發展,亦有人轉型做網紅KOL。陳智燊(Jason)與宋熙年離巢無綫後,夫妻檔拍住上開設網上影片頻道,分享佢哋嘅日常生活、食譜、美容及旅遊等資訊,有報道指佢哋事業順風順水,高峰期可以月賺60萬,人工比以前喺無綫工作高。轉型轉到好似佢哋咁成功嘅,真係寥寥可數呀!

最近無綫播出嘅劇集竟然仲見到陳智燊及宋熙年嘅蹤影,啱啱播映完畢嘅《非凡三俠》就有上年加盟邵氏嘅宋熙年,佢喺劇中飾演張智霖嘅前妻Susan,而播映中嘅《堅離地愛堅離地》就由陳智燊主演,呢套亦係佢嘅告別之作。佢喺劇中飾演嘅Marcus,與龔嘉欣一齊成立初創公司iTogether,亦係劉佩玥嘅男朋友。雖然《堅離地愛堅離地》已經係Jason幾年前拍嘅最後一套無綫劇集,不過佢都好有心咁出席宣傳活動。

陳智燊同宋熙年因主持無綫節目《娛樂新聞台》 認識,拍拖9年後於2016年拉埋天窗,上年佢哋仲誕下第二個愛情結晶品Jami,一家四口幸福美滿。人前人後都非常恩愛嘅佢哋先後離開無綫,除咗做司儀工作之外,佢哋仲開設網上影片頻道做KOL,因為佢哋講得一口流利英語及形象討好,得到唔少廣告商青睞。佢哋嘅影片頻道已經有超過13萬訂閱者,影片中二人默契十足,非常合拍。早前亦有傳媒影到佢哋早前到商場拍片,期間二人合作無間,宋熙年為護膚化妝品專門店介紹最新產品,而老公陳智燊就負責揸機拍攝。

陳智燊 & 宋熙年
陳智燊 & 宋熙年
《堅離地愛堅離地》劇照
《堅離地愛堅離地》劇照
《堅離地愛堅離地》劇照
《堅離地愛堅離地》劇照
陳智燊
陳智燊
陳智燊 & 宋熙年
陳智燊 & 宋熙年
陳智燊 & 宋熙年
陳智燊 & 宋熙年
陳智燊 & 宋熙年
陳智燊 & 宋熙年
陳智燊
陳智燊

按此下載全新應用程式Yahoo APP,並以Yahoo電郵免費登記成為會員,即時可完成簡單任務賺取Ypoints,憑分即可換領不同獎賞! 新人更可即時換領限量新人禮,立即下載!

【相關搜尋】宋熙年陳智燊7年地下情