報答父母 工作行先 劉穎鏇怕醜妹 暗戀慘遭唱通街

·2 分鐘文章
劉穎鏇怕食檸檬,未試過向男士表白。
劉穎鏇怕食檸檬,未試過向男士表白。

前港姐亞軍劉穎鏇於新劇有三角關係,她稱現實中從未試過,自爆小時候曾暗戀同學仔,最後被全班知道而瘀爆收場!她表示為了報答父母,現階段以工作為先,愛情放一邊!

劉穎鏇(Tiffany)於無綫劇《把關者們》飾演見習海關關員,但體能差經常出錯,她自言角色跟本人有很大分別:「我外形高大又係運動型,好難令人信我體能差,所以我要設計好多小動作去出錯,但有時真係自然出錯,因為關員要好長時間訓練,但我哋只得一日。」

怨同學仔搞事

劇中她跟孔德賢及丁子朗發展三角戀,問到現實中有否試過?她笑言:「呢啲咁複雜嘅關係,我冇咁Lucky試過。」並自認是怕醜妹,不會主動表白:「讀書時試過暗戀人,但我好驚,唔會表白,記得2、3年級,同學仔搞事,叫佢唔好同人講,點知最後所有人都知,搞到成件事好尷尬!(如果有兩個男仔同時鍾意你會點?)我好被動,會唔聲唔聲由得佢。」

壓力變動力

Tiffany表示現時工作為重,因父親為照顧她而留港,與身在美國的母親分隔兩地,故要對雙親的犧牲負責任:「由當選到留喺香港呢5年,我父母好偉大,要做啲成績畀佢哋睇,令佢哋安心。我仲後生,有時間搏殺,想睇吓自己去到咩位置。(如果緣分到呢?)我唔會抗拒,但唔會刻意追求。愛情唔會放太前,依家最想畀到安定生活父母,爸爸已經退休,希望媽咪都可以。我係獨女,所以係有壓力,但都係動力。(下一步買樓?)唔敢諗太遠,太貴喇!」

香港樓價太貴,劉穎鏇冇諗過置業。
香港樓價太貴,劉穎鏇冇諗過置業。



我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能