外國網站票選「中國最帥男藝人」結果出爐 王嘉爾、肖戰、王一博齊入選

近年內地有好多高顏值男藝人出道，佢哋受歡迎程度已經唔再局限於內地，仲衝出埋亞洲，甚至紅到去美國。近日有美國投票網站搞咗個「中國最帥男藝人」選舉，好多新進男藝人都有上榜，而家就同大家睇睇啦！

第十位：許凱
許凱喺人氣宮鬥劇《延禧攻略》中飾演情深嘅御前侍衛「傅恒」，深受廣大觀眾歡迎，再加上187cm身高及健碩身材, 真係迷倒一眾女粉絲。

第九位：宋威龍
宋威龍高大又靚仔，當初係由平面模特和快手網紅入行，之後轉型做演員開始嶄露頭角, 憑電視劇《以家人之名》俘擄唔少女士心。

第八位：王源
TFBOYS成員王源唔係典型靚仔, 反而係佢清秀外型令人睇得好舒服，而且識得創作又識唱歌，屬於才子路線。

第七位：黃子韜
前韓國天團EXO成員黃子韜，個樣好有中國特色，特別佢對丹鳳眼，再加上壞男孩感覺，表演時真係迷死唔少人。

第六位：王嘉爾
王嘉爾（Jackson）喺香港土生土長，之後憑韓國組合GOT7出道，之後殺入內地市場。大家讚佢個樣生得精緻，雖然佢只得174cm，但佢有健碩嘅肌肉補救。

第五位：王俊凱
TFBOYS隊長王俊凱個樣生得好精緻，一直都被人讚靚仔，多年來一直人氣高企，一舉一動都備受矚目。

第四位：鄧倫
鄧倫擁有185cm身高，熱愛打籃球嘅佢擁有結實肌肉，陽光型男孩加上有演技，觀眾都好鍾意佢。

第三位：楊洋
楊洋係公認嘅靚仔，觀眾形容佢有個令人百看不厭嘅樣, 令佢多次上榜靚仔排行榜，佢更憑電視劇《微微一笑很傾城》紅遍大江南北。

第二位：王一博
王一博曾經係韓國練習生，擁有180cm身高，鵝蛋臉面，外貌仲有一份冷酷感。另外，佢憑拍攝《陳情令》爆紅, 令觀眾更加鍾意佢。

第一位：肖戰
內地組合「X玖少年團」成員肖戰，擁有深邃五官及一雙大眼睛，再加上183cm高䠷身材，外形完全係魅力沒法擋，加上《陳情令》令佢大放異彩，更加吸引觀眾。

按此下載全新應用程式Yahoo APP，並以Yahoo電郵免費登記成為會員，即時可完成簡單任務賺取Ypoints，憑分即可換領不同獎賞！ 新人更可即時換領限量新人禮，立即下載！