外國記者採訪奧運變介紹美食 網民:好想去日本!
東京奧運正舉行得如火如荼,今年雖然有疫情,但全球盛事當然會集合世界上頂尖運動員,同時亦吸引全球無數體育記者到東京採訪。不過近日有一位來自加拿大嘅體育記者Devin Heroux就公然「自肥」,於個人網站上拍低自己去日本便利食搵食嘅過程,吸引大量外國網民轉發呢!
Devin自奧運開幕前抵達東京,一有空餘時間就去酒店旁邊嘅便利店,一開始已經被琳琅滿目嘅商店所震撼,並驚訝咁講「我相信我會喺度流連好耐好耐,用好多好多錢!」Devin去到每個貨架前都讚嘆一番,例如同一樣口味嘅咖啡都有5、6個不同品牌,令Devin大讚呢度係「飲食天堂」。而且最令佢驚喜係所有食品飲品包裝都異常精美,加上店員友善又高效率。唔少香港網民都有留言,紛紛都話好掛住日本呢!
按此下載全新Yahoo APP,緊貼城中好去處、Staycation攻略、行山路線、野餐地點推介,仲有新人禮等你拎,立即下載!
相關文章: