多謝豬隊友!

·1 分鐘文章

袁偉豪口快快誤做「大喇叭」,其實不少圈中人亦曾衰多口慘變「豬隊友」,踢爆好友或家人私隱。

楊愛瑾 鄧麗欣

楊愛瑾(Miki)佗首胎時一直對BB性別保密,但好姊妹鄧麗欣出席活動時被問到可會做契媽,竟誤爆對方佗仔:「我已經係2個細路仔嘅契媽,做太多唔係幾好。(做Miki個女嘅契媽都好?)仔嚟㗎!乜唔知嘅咩?」

江美儀

2018年,江美儀與吳君祥宣布分手,吳君祥父親夏春秋對此感愕然,更踢爆2人秘婚:「佢哋2006年喺西雅圖結婚,分開咗好可惜!」事後江美儀一度否認有心瞞婚,其後在《東張西望》為此道歉。

曹永廉 蕭正楠

黃翠如與蕭正楠拍拖以來屢傳婚訊,2017年底,好友曹永廉突然在網上踢爆蕭正楠已婚:「你隻蕉真係成熟咗,講嘢冇咁口臭,積到啲口德,結咗婚係唔同啲。」翠如當時否認,又叫曹永廉封嘴,但未夠半年便在新西蘭註冊,2019年補辦婚禮。

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能