大叔的愛|簡慕華17年TVB生涯成金牌配角 41歲毅然離巢:覺得無突破

·2 分鐘文章
《大叔的愛》截圖
《大叔的愛》截圖

ViuTV劇集港版《大叔的愛》喺前晚(28日)首播,有指收視創新高達8.7點,除咗係香港首部同性愛情喜劇,由MIRROR成員呂爵安(Edan)及盧瀚霆(Anson Lo)領銜主演夠晒吸引,而黃德斌嘅少女心演繹大叔及回流香港拍劇嘅簡慕華,亦成為觀眾收看原因之一。

簡慕華因參選2000年香港小姐競選入行,即使三甲不入,憑清秀樣貌獲觀眾封為「翻版王菲」,入行後一做就喺TVB做咗17年。《同事三分親》「Doris」一角為人熟悉以外,《金枝慾孽貳》、《火舞黃沙》、《心戰》、《師奶Madam》等人氣劇集亦不乏見到簡慕華有份演出,不過都係屬於配角角色,亦從未得到任何獎項;對此,簡慕華就曾表示明白自己只係二線位置,唔介意做甘草,仲話怕觀眾唔中意自己多過無獎:「都做咗咁多年人,如果唔係咁諗,我點繼續做人?一日仲喺呢行,一日都有機會,除非觀眾唔想睇我。」

2017年,簡慕華同低調拍拖多年嘅男朋友結婚,同年恰巧與TVB完約,毅然離巢,隨老公移居加拿大。呢次回流拍攝《大叔的愛》,簡慕華老公亦相伴在側;對於TVB呢排嘅全新綜藝節目佢就表示未有時間收睇:「我想睇咗自己鍾意嗰啲先囉。」問及離巢原因,簡慕華指覺得自己無突破,亦唔想令觀眾覺得「簡慕華咪又係咁」、「做極咪又係簡慕華」:「覺得自己停了太久,TVB沒甚麼選擇權,希望外出學新事物,及選擇自己喜歡的角色」。之後,簡慕華選擇北上發展,佢接受媒體訪問嗰陣就話,與其諗太多,不如踏出第一步,當由頭做起,向夢想不斷嘗試;簡慕華又指,即使有日要同TVB合作,甚至喺邊間機構工作都無所謂,總之希望可以畀觀眾睇到一個全新嘅簡慕華。

《大叔的愛》劇照
《大叔的愛》劇照
《大叔的愛》劇照
《大叔的愛》劇照
《大叔的愛》劇照
《大叔的愛》劇照
《大叔的愛》劇照
《大叔的愛》劇照

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載!

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能