大叔的愛｜練美娟憑Carmen姐成功入屋 連日版本尊都出PO大讚好笑

由MIRROR成員Edan（呂爵安）、Anson Lo（盧瀚霆）及黃德斌主演嘅ViuTV劇集《大叔的愛》，贏盡口碑兼喺網絡上瘋狂洗版，雖然劇集已經播映完畢，不過討論度依然非常之高。除咗三位男主角人氣急升之外，飾演辦公室行政助理賴嘉雯（Carman）嘅練美娟（娟姐）同樣備受關注。娟姐喺劇中飾演一個超級為食兼八卦嘅同事，唔少網民都大讚佢演技自然、可愛兼極具喜感，成功入屋。佢除咗得到網民嘅認同之外，連日版《大叔的愛》嘅本尊「舞舞」瀨川舞香（伊藤修子飾）都有讚娟姐。

練美娟喺《大叔的愛》中有唔少爆笑場口，當中包括以蒙古姑娘造型參加《全民造星V》大跳羊奶舞。呢一幕連本尊伊藤修子都忍唔住喺社交網站出PO，以廣東話留言話：「Carmen姐嘅蒙古姑娘的日常好笑」。而娟姐亦有喺IG出PO多謝本尊，留言話：「好開心得到本尊嘅認同啊～ 一直都知道你好喜歡香港文化 下次嚟香港 我教你跳羊奶舞好無 多謝你啊伊藤修子」。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載！