大叔的愛|練美娟讀書時係校花 入行後曾兼職調酒師維持生計

·2 分鐘文章
練美娟
練美娟

ViuTV劇集《大叔的愛》今晚(16日)播出大結局,相信唔少觀眾都會依依不捨。劇集贏盡口碑,除咗三位男主角MIRROR成員Edan(呂爵安)、Anson Lo(盧瀚霆)及黃德斌人氣急升之外,唔少劇中演員亦備受關注,當中包括飾演辦公室行政助理賴嘉雯(Carman)嘅練美娟(娟姐)。佢喺劇中係個超級饞嘴兼八卦嘅同事,及與平哥(楊偉倫飾)有感情線,唔少網民都大讚佢演技自然又具喜感。

現年31歲嘅練美娟,年幼時跟隨印尼華僑父母回流香港。雖然娟姐嘅大癲大肺形象深入民心,不過五官精緻嘅佢喺讀書時係校花,仲被封為「自修室女神」。早前有屯門街坊接受傳媒訪問時就話娟姐唔止靚女,讀書成績優異,仲要係運動健將。

2017年練美娟以27歲之齡加入娛樂圈,雖然起步比好多人遲,不過佢就認為遲入行都有好處,因為佢之前做過唔同類型工作,所以有待人接物嘅經驗。練美娟喺主持ViuTv節目《Girls' Talk》後為人熟悉,當時佢一邊主持《Girls' Talk》,一邊去尖沙咀酒吧兼職調酒師維持生計。娟姐認為好多藝人都有做兼職同兼顧副業,因為咁樣先可以有足夠收入,維持藝人呢份唔穩定嘅職業,所以如果有人問嘅話,佢會欣然話自己做過調酒師同侍應。

之後,練美娟開始參與唔少綜藝節目及劇集拍攝,為工作不顧形象,例如《金剛旅神團》「鯨吞」吞拿魚骨髓、為效果而呼喝金剛、《大叔的愛》劇中角色係一名為食妹,為追求真實感,佢就選擇真咬同真吞食物,結果令體重增加咗成3至4公斤;又喺《造美人》唔錫身地與參加者喺室內進行運動會等等,令觀眾喜愛其真性情。

練美娟
練美娟
練美娟
練美娟
《大叔的愛》劇照
《大叔的愛》劇照
《大叔的愛》劇照
《大叔的愛》劇照
練美娟
練美娟
練美娟
練美娟
練美娟
練美娟
練美娟
練美娟
練美娟
練美娟
《大叔的愛》劇照
《大叔的愛》劇照
《大叔的愛》劇照
《大叔的愛》劇照

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載!

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能