大叫「點解你仲未死」惹殺人疑雲 其實佢見到乜?

19+

 

假如你聽到隔離堅有人大叫「點解你仲未死!」,

撇除係之前因為睇《義不容情》見到丁有康太肉緊之外,

其實都真係驚一驚。

 

 

澳洲珀斯有個男人,喺屋入面嗌咗幾次「點解你仲未死!」,

仲聽到BB喊聲,真係相當有嫌疑!

鄰居懷疑係咪有命案發生,

於是報警求助。

 

20分鐘後,警察到達,發現……

 

原來個男人係見到一隻大蜘蛛,

驚起上嚟先至大叫。

引起虛驚一場,事主相當尷尬,並向警察道歉。

 

當地警方都有將呢件事po上社交媒體,不過好快就刪文。

 

呢類事件唔係第一次發生,

2015年就有人喺屋企「大肆搗亂」,

警察嚟到至知……又係蜘蛛。

 

香港有冇試過因為見到飛曱甴而引發兇案疑雲?

應該有,除非冇!

原文傳送門

【相關搜尋】澳洲蜘蛛戰勝棕蛇

其他內容