大圍雞煲、串燒、火鍋放題 無限時任食 5款靚牛 $178起易翻本

·2 分鐘文章

自問胃口大,食量多嘅朋友仔,最啱就梗係食放題啦,任食先夠飽嘛。大圍有間餐廳,乜嘢都有得放題任食呀:雞煲又有、串燒又有、打邊爐都有,成晚無限時任食,重有5款靚牛任點,好易翻本!

呢度嘅雞煲,係即叫即炒,加入以花椒、白蔻、乾辣椒等自家炒成嘅麻辣醬料,雞肉比一般雞煲食開嘅嫩滑啲、入味啲,惹味得嚟又唔會太辣。

食完雞煲之後,就可以揀湯底,開始打邊邊咯。湯底選擇包括花膠雞濃湯、四川麻辣湯、超特濃沙嗲牛湯等,款款真材實料,花膠雞湯加入枸杞、蟲草花、紅棗等熬製,煲煲仲有3大片花膠夾上手食呢!

安格斯肩胛牛肉
安格斯肩胛牛肉

牛魔王當然唔可以錯過任食5款靚牛嘅機會!安格斯肩胛牛肉嘅肉同脂肪分佈平均,油花既多且香。

安格斯黑牛板腱
安格斯黑牛板腱

安格斯黑牛板腱油花分佈均勻,肉味仲好香添。

美國牛頸脊
美國牛頸脊

美國牛頸脊嘅肉質相對柔嫩爽滑, 仲有豐腴嘅肉汁。

安格斯牛小排
安格斯牛小排

安格斯牛小排則係肉味最濃郁嘅一款。

美國 SPF黑毛和牛
美國 SPF黑毛和牛

至於美國 SPF黑毛和牛同樣高質,口感嫩滑,又有香濃嘅肉味。食得辣嘅朋友仔,建議配四川麻辣湯底,辣度唔太高但會令肉味變得更甜呢。

另外,仲有超過30款嘅海鮮、串燒同多款配料選擇。好似廣島蠔、原隻扇貝、香草羊架、燒多春魚、雞肉豬肉等,啤酒汽水都係任飲!而家經OpenRice訂座嘅話,最平$178就食到晒咁多嘢!


金凱小廚
金凱小廚

金凱小廚
地址: 大圍美田路30號美林邨熟食亭1-4號舖