大學畢業訛稱高中程度 公務員學歷報細數被炒

19+

 

學歷充大頭鬼呃人聽得多,報細數就真係少見。

 

日本神戶一名經濟及觀光部門公務員,入職38年,最近被炒。

原因係佢虛報學歷,不過係報細數。

是咁的,呢位仁兄係大學畢業,

但係喺1980年,呢份工嘅入職要求,只係高中學歷。

 

唔知點解,高或低過呢個水平,都唔符合資格。

於是當時大學畢業2年嘅事主,就報稱係高中學歷,

結果俾佢成功咗。

 

如是者過咗三十幾年,臨近佢退休之際,

高層收到告密信,揭發佢虛報學歷。

部門調查後發現真有其事,而且事主入職後喺員工調查度,

都係報稱高中畢業。

不過報導指,呢位仁兄怕且都係部門「老海鮮」,

因為佢試過喺辦工時間,同其他6字頭同事出去飲茶被人「周」到而要減薪。

加埋呢單虛報學歷,都夠數做佢喇。

 

原來呢單係勵志故事!各位受「老海鮮」欺壓嘅扮工仔女,

仲唔去起吓呢班前輩個底?

原文傳送門

其他內容