大整蠱│吳幸美被連環整蠱獲讚EQ高 主持《東張西望》試飲斷片酒最經典?

·4 分鐘文章
吳幸美
吳幸美

由農夫和艾粒主持嘅整人節目《大整蠱》,噚晚(26日)嘅主角係《東張西望》主持吳幸美(Amy),佢仲被連續整蠱咗兩次,非常搞笑。吳幸美首先被《東張西望》安排節目組人員急召返電視城,聲稱要佢外出採訪突發案件,因採訪車已經出發,所以佢就被安排搭上與節目組夾埋嘅的士前往採訪地點。喺搭的士途中,的士司機故意做出多項令佢「O嘴」嘅事情,叫錯佢做「吳美幸」、遞「唱歌神器」要求合唱及跌出一樽黃色液體嘅水樽喺佢腳前,之後仲扮接獲太太臨盆在即嘅電話,及要求佢幫手接生,令佢有啲不知所措。喺佢唔知點算嘅時候,節目組就告知佢被整蠱。

《大整蠱》截圖
《大整蠱》截圖

《大整蠱》邊有咁容易放過吳幸美,「整蠱計劃」當然係一浪接一浪啦!佢之後繼續前往採訪地點,佢被安排去一個經常被鄰居投訴嘅古怪住戶單位進行採訪,不過古怪住戶其實係由艾粒假扮。吳幸美喺門外時,少爺占向佢撒米、陰司紙及射水,嚇到佢即刻同導演講佢唔敢採訪,之後,導演為佢壯膽及先行入屋拍攝,佢最終成功入屋進行採訪。入到屋後,幸美似乎唔夠膽行近由當奴所扮嘅伯伯。就係呢個時候,扮成女人嘅少爺占突然喺房跑出嚟,並向佢拋蛇,令到佢即時嚇到匿喺工作人員身後,之後佢先至自己再一次被整蠱。

《大整蠱》截圖
《大整蠱》截圖

唔少網民睇完呢一集都紛紛留言大讚吳幸美,話佢係一個心地善良、EQ高同埋係一個好好嘅主持人等等。其實幸美過往都為《東張西望》做過唔少採訪,當中仲有唔少經典位,而家就同大家重溫一下啦!

測試專員
吳幸美係2009年已經加入《東張西望》,佢仲有「測試專員」之稱,有得呢個稱號佢當然唔係浪得虛名啦!多年嚟佢試過飲斷片酒、日本大熱「內臟操」、甩色蛋糕及飲「脫衣水」等等,不過當中最令人印象深刻嘅一定係於2016年試飲斷片酒,原因係佢飲完酒之後又喊又笑,最後仲瞓低埋。雖然當時唔少網民話佢似鬼上身、做戲及過於誇張,不過就成功令佢人氣上升唔少。

「測試專員」吳幸美
「測試專員」吳幸美

被「睇住呀」嚇親
喺2015年時節目邀請緊急應變中心安全主任,為大家講解人多擠逼時如何自保。原本節目都係正正常常,但當幸美問佢如果前面有人跌倒應唔應該扶起時,安全主任就話要發出震撼性少少嘅聲音,之後就突然大叫「唏!睇住呀!」,即時嚇到幸美花容失色。呢集出街後得到唔少網民熱烈討論及惡搞,,仲話係好經典同好好笑。

吳幸美被「睇住呀」嚇親
吳幸美被「睇住呀」嚇親

呼籲港視藝人「返家」
2013年香港電視網絡(HKTV)不獲發免費電視牌照,並裁員320人。之後,《東張西望》就搵吳幸美做主持訪問薛家燕等藝員,歡迎前同事「返家」,仲留低藝員部聯絡電話。唔少網民睇完後都紛紛留言鬧爆無綫係貓哭老鼠、涼薄及攞彩等等。

呼籲港視藝人「返家」
呼籲港視藝人「返家」
《大整蠱》截圖
《大整蠱》截圖
《大整蠱》截圖
《大整蠱》截圖
《大整蠱》截圖
《大整蠱》截圖
吳幸美
吳幸美
吳幸美
吳幸美
吳幸美
吳幸美
吳幸美
吳幸美

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載!