大角咀日式料理 新推2小時日本酒+關東煮放題

·2 分鐘文章

唔少香港人閒時都鍾意飲下sake,不過開一支都唔平呀,更莫論話想一次過試多幾款唔同口味。不過去大角咀呢間日式料理就有機會喇!餐廳由日本師傅主理,最近新推出2小時日本酒同關東煮放題,要暢飲近40款日本酒不是夢。

2小時日本酒+關東煮放題
2小時日本酒+關東煮放題

呢間居酒屋以關東煮作為主打,湯底堅持以鯛魚骨、柴魚同昆布熬製,味道濃郁甘甜。新推出嘅日本酒+關東煮放題套餐,包有前菜、關東煮、日式烏冬同多款清酒。

炸池魚仔
炸池魚仔

前菜方面推介炸池魚仔,甘香酥脆,佐酒一流。

關東煮有10款指定款式選擇
關東煮有10款指定款式選擇

關東煮則有10款指定款式選擇,其中特別推介半片(日本白魚餅)、麻吉燒、韓式魚糕串同埋食親關東煮都一定要食嘅大根。半片喺香港比較少見,係由豆腐製成嘅魚餅,口感嫩滑得嚟又有淡淡豆腐嘅清香,值得一試再試。麻吉燒則喺魚餅中釀入麻糬,增加Q彈口感。

烏冬方面有3個選擇
烏冬方面有3個選擇

烏冬方面有3個選擇,明太子冷烏冬、北海道風雞皮烏冬同日式牛肉稻庭烏冬,其中以北海道風雞皮烏冬比較少見同特別,雞皮油香豐富,一嚟送酒好夾,二嚟原來雞皮嘅油脂重有保護胃部嘅作用,打咗底冇咁易醉。

清酒放題,就有2個套餐揀。
清酒放題,就有2個套餐揀。

至於重點中嘅重點,清酒放題,就有2個套餐揀。平少少嘅「竹」有近廿款生啤同清酒揀,加多少少錢揀「松」嘅話,就可以多埋果物酒等選擇,酒款多近1倍呢。

  鶴梅完熟梅濁酒
鶴梅完熟梅濁酒

特別推介鶴梅完熟梅濁酒,係加入咗成熟桃子醬同完熟嘅南高梅釀造,帶有濃郁桃香同梅香,而且甜度比平時嘅梅酒低。

宗政 純米吟釀
宗政 純米吟釀
羽櫻 櫻花吟釀
羽櫻 櫻花吟釀

另外值得推介嘅重有宗政 純米吟釀同出羽櫻 櫻花吟釀,前者使用高酯生成酵母,口味甘甜,酸味平衡;後者帶蜜瓜果香,口感輕盈,建議可冷至室溫飲用。

関東酒場
関東酒場

関東酒場
地址: 大角咀利得街11號利奧坊地下G504號舖

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能