【大角咀美食】無懼疫市開甜品分店!80後老闆:企得住就贏

Yahoo Food
【大角咀美食】無懼疫市開甜品分店!80後老闆:企得住就贏
【大角咀美食】無懼疫市開甜品分店!80後老闆:企得住就贏

餐飲業冰河時期,前所未見。無論連鎖大集團還是民間小店,無一不心驚膽跳,難免悲觀。那邊廂,大角咀一家甜品小店,無大資金支撐,甚至連合伙人都無,80後老闆Elvis,一支公,撐起3間甜品店,最新一間,開於2月初疫症剛襲港時。「不怕老套點說,有危就有機吧,等個浪過咗,仲企得著的人就算贏。」

【立即讚好】全新 Yahoo Food Facebook 專頁

位於大角咀新落成的商場利奧坊,人流不算多。小店一面180度落地玻璃,日光充足。
位於大角咀新落成的商場利奧坊,人流不算多。小店一面180度落地玻璃,日光充足。
疫情拖垮生意,但店主堅持品牌形象,決不賣魚蛋燒賣等小食。
疫情拖垮生意,但店主堅持品牌形象,決不賣魚蛋燒賣等小食。

魚蛋燒賣   點都唔賣

小店「想甜嚐甜」,定位為新式糖水甜品店。約3年前於黃大仙開舖,店主Elvis之後花了2年,由餐飲新手,升格為2間小店的店主,第2間分店位於西環。不過Elvis的目標,其實是「一直想擁有自己的甜品工場,中央廚房,出品水準會穩定一點。」他也說到做到,上年年尾於大角咀新商場開了新店,順度設立中央廚房,怎料簽約後還未裝修,就突然爆出疫症,生意當然大受影響。

店主Elvis花了4年時間變出3店,一步一步走近夢想。
店主Elvis花了4年時間變出3店,一步一步走近夢想。
大部份餐牌食物照都由Elvis拍攝。
大部份餐牌食物照都由Elvis拍攝。
黑糖芋圓仙草 $40。一碗有齊8款材料:芋圓、地瓜圓、紫薯圓、小丸子、珍珠、西米、黑糖條、仙草,用台灣黑糖漿,甜得天然。
黑糖芋圓仙草 $40。一碗有齊8款材料:芋圓、地瓜圓、紫薯圓、小丸子、珍珠、西米、黑糖條、仙草,用台灣黑糖漿,甜得天然。

但Elvis對自己出品抱有信心:「之前2間甜品店其實不能說一帆風順,捱過,守過,但我對自己間舖定位好清晰,我覺得只要捱得過疫情就無問題。」他說的定位,就是一個「甜」字,Elvis說之前生意麻麻,有朋友提議加賣飽肚飯餐等食物,幫補生意額。但他堅持品牌形象最為重要:「腸粉魚蛋燒賣,我點都唔會做,我們店只做甜食,想客人記得我們的甜品。」

吃前按喜好加花奶。
吃前按喜好加花奶。
Apple Crumble由中央廚房做好,到店有order再即焗。
Apple Crumble由中央廚房做好,到店有order再即焗。
肉桂蘋果甘寶 (配雪糕) $48。特別一提是青蘋果味雪糕好出色!軟滑,甜得清香。
肉桂蘋果甘寶 (配雪糕) $48。特別一提是青蘋果味雪糕好出色!軟滑,甜得清香。

生招牌黑糖芋圓  蘋果甘寶

「甜」是關鍵字,打開menu,逾40款甜品,有傳統有新派,西米露、椰王、窩夫、心太軟、乳酪雪糕、燉蛋、芋圓仙草、芝麻糊、蕃薯糖水都有。不敢說全部,但大部份都是自
家製,例如看似普通的Apple Crumble ,也用上青,紅2種蘋果,青蘋果切粒,取其酸香;紅蘋果切片,取口感,焗至充滿肉桂香,加一球自製的青蘋果味軟雪糕,簡單好吃。生招牌「黑糖芋圓仙草」,芋圓雖不是自製,但入口煙韌,吃前加少量花奶,好匹配。

海鹽焦糖爆谷香蕉木船 $52。賣相好有心機!香蕉船內有2球乳酪味雪糕, 焦糖香蕉,爆谷。
海鹽焦糖爆谷香蕉木船 $52。賣相好有心機!香蕉船內有2球乳酪味雪糕, 焦糖香蕉,爆谷。
份量不少,2個女仔share都可以。
份量不少,2個女仔share都可以。
桃膠木瓜紅棗雪耳燉海底椰 $46。
桃膠木瓜紅棗雪耳燉海底椰 $46。
凍食一流,清甜潤喉。
凍食一流,清甜潤喉。

今晚食乜好?即睇最強雞翼食譜、牛油果食譜合集

食乜養生好?二十四節氣:中醫教路/湯水進補/穴位養生

想知最新飲食資訊?按此觀看Yahoo Food編輯推介

想甜嚐甜

地址:大角咀嘉善街18號利奧坊二期G703號舖(地圖按此)

電話:6892-1597

更多大角咀美食推介

【抗疫小店】人氣素食自助餐生意慘跌8成!店主獲網民支持:睇留言感動到喊

【大角咀美食】90後開台式便當店!超巨型滷雞腿+豬扒飯

【大角咀美食】香港手工製Bagel!健康少鹽少油洋蔥包

【大角咀美食】逾10年街坊店!每日鮮製手打粒粒墨魚餅漢堡

【今晚食乜好】唔知今晚食乜餸?立即去Yahoo Food 食譜專頁搵靈感 

你可能還想看